SOERA MOZE I. FAZA 16.
FAZA 16.
I. Ihalõ dongania Hagara andrõ Aberamo, niw̃aʼõ Zaraʼi chõnia. Moloi Hagara. II. Oroma chõnia malaʼika, ba danõ si mate. Amaboeʼoela li ba faʼatoemboe Zimaʼeli andrõ.
1I. Ba lõ soʼono Gaberamo, chõ woʼomonia Saraʼi andrõ; ba so chõnia zawoejoe, ono alawe, Dawa Miseraji, Hagara dõi. 2Ba imane Saraʼi chõ Gaberamo: Me lõʼõ sa nibeʼe Jehowa chõgoe ono, ba hana na oroedoe ndraʼoegõ chõ zawoejoegoe jomo andrõ, ma faloechado nono chõnia! Ba iʼoʼõ niw̃aʼõ Zaraʼi Aberamo. 3Ba ihalõ zawoejoenia jomo andrõ, Hagara, Dawa Miseraji, Saraʼi, foʼomo Gaberamo, ba ibeʼe donga woʼomonia Aberamo, me no mewoeloe fache Gaberamo ba danõ Ganaʼana. 4Ba oroedoe ia chõ Hagara andrõ, ba manabina. Ba me iʼila, no manabina ia, ba lõ ba dõdõnia saʼae sochõ jaʼia. 5Ba imane Saraʼi chõ Gaberamo: Horõoe wa faloechado wangoʼaja. Jaʼodo zoloeloe chõoe sawoejoegoe jomo andrõ, ba ijaʼe, me iʼila no manabina ia, ba lõʼõ saʼae ba dõdõnia jaʼodo. Jamoefaigi lala chõda Jehowa. 6Ba imane Aberamo chõ Zaraʼi: Ba dangaoe atṍ so zawoejoemõ; si so ba dõdõoe laoe chõnia! Ba ifakao ia Saraʼi, irege moloi. 7Ba faloecha chõnia malaʼika Jehowa, ba zinga goemboe ba danõ si mate, oemboe ba ngai lala ba Zoeri. 8Ba imane: He Hagara, sawoejoe Zaraʼi! he õʼotarai ba heza moiʼõ? Imane: Soloi ndraʼo chõ Zaraʼi andrõ, sochõ jaʼodo. 9Ba imane chõnia malaʼika Jehowa andrõ: Foeliʼõ chõ zochõ jaʼoegõ andrõ, ba oʼõ niw̃aʼõnia. 10Ba imane na chõnia malaʼika Jehowa andrõ: Oja sibai maʼoewoemõ dania oebeʼe, irege tebai teʼerai waʼoja. 11Ba imane na chõnia malaʼika Jehowa andrõ: Si no manabina ndraʼoegõ ba toemboe dania chõoe nono matoea, ba õbeʼe tõinia Zimaʼeli, me no ifondrondrongo [wangarõngarõoe ba] wamakaomõ andrõ Jehowa. 12Ba jaʼia andrõ, ba niha si hoelõ galide gatoea — dozi niha bõʼõ faʼoedoe ia, ba si faʼoedoe chõnia zoei niha bõʼõ fefoe — ba ihõndrõgõ dania fefoe zahatõ chõnia. (F. 21, 20. Job. 39, 5—8). 13Ba ibeʼe tõi Jehowa andrõ, sihede chõnia: ”Lowalangi soroma ndraʼoegõ!” Imane sa: Hadia, noa gõi anehedo zamaigimaigi jaʼodo andro? (Sangoehoek. 13, 22). 14Andrõ wa labeʼe tõi goemboe andrõ: ”Oemboe zaoeri andrõ, samaigi jaʼodo”; ba gotaloeara Gadesi Mbaredi so. 15Ba moʼono Hagara chõ Gaberamo, ono matoea. Ba Simaʼeli ibeʼe tõi nono andrõ Aberamo, tõi nono andrõ si no toemboe chõnia chõ Hagara. 16Ba w̃aloe ngafoeloe a õnõ fache Gaberamo, me toemboe chõnia Zimaʼeli andrõ, chõ Hagara.
Currently Selected:
SOERA MOZE I. FAZA 16.: NIA
Označeno
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.