SOERA MOZE I. FAZA 15.
FAZA 15.
I. Mangandrõ ono Gaberamo. Amaboeʼoela li Lowalangi. II. Fangaro amaboeʼoela li andrõ ba fangombacha si gõna maʼoewoe Gaberamo dania.
1I. Ba me no aefa daʼõ no mege, ba hoemede Jehowa chõ Gaberamo, ba gangilata, imane: Bõi ataʼoe ndraʼoegõ, Aberamo; baloeseoe ndraʼo, loeooe, ba bõrõ zeboea. (Sin. 19, 12. Jes. 41, 10; 43, 1). 2Ba imane Aberamo: He Soʼaja Jehowa, hadia nibeʼeoe chõgoe? mowaõwaõ manõ ndraʼo ba lõ onogoe, ba sanema ondrõitagoe dania, ba Eliezeri andrõ, banoea Ndramaseko. 3Ba imane na Aberamo: Lõʼõ sa nibeʼeoe chõgoe ngaʼõtõ, ba tobali sanema ondrõitagoe, ba sawoejoe baomogoe. 4Ba hoemede chõnia Jehowa, imane: Tenga sanema ondrõitamo daʼõ, si otarai nõsioe dania, daʼõ zanema ondrõitamõ. 5Ba iʼohe ia baero baewali ba imane: Faigi mbanoea si jaw̃a ba erai ndrõfi; hadia, õʼila maõ õʼerai? Ba imane na chõnia: Si manõ [waʼoja] maʼoewoemõ dania. (Moz. I. 13, 16). 6Ba fadoehoe dõdõnia chõ Jehowa, ba ibeʼe faʼatoelõ dõdõnia daʼõ Jehowa. (Rom. 4, 3. Gal. 3, 6. Jak. 2, 23).
7II. Ba imane chõnia: Jehowa ndraʼodo si no mangeheta jaʼoegõ ba Goeri, ba Galedaia, ba wameʼe tána chõoe tanõ daʼe. 8Ba imane: He Soʼaja, Jehowa! heza oroma chõgoe, wa ochõtagoe dania? 9Ba imane chõnia Jehowa: Halõ chõgoe zaw̃i si no medõloe fache ba nambi si medõloe fache ba si matoea mbiribiri si medõloe fache ba samboea woene ba samboea nono marafadi. 10Ba ihalõ chõnia daʼõ fefoe ba idozigõ ibago daloe ba ifatahõ zi tambatambai; ba fofo andrõ, ba lõ isila. 11Ba aechoe mojo ba nagole andrõ; ba itaboi ira Aberamo. 12Ba me aechoeʼaechoe loeo, ba ihawoei Gaberamo femõrõ sabõlõ ba faʼataʼoe; ihawoei ia faʼogõmigõmi sabeʼe. 13Ba imane [Jehowa] chõ Gaberamo: Bõi zi lõ õrongo, wa si fatewoe ba danõ si tenga tanõra maʼoewoemõ dania ba sawoejoe ira ba daʼõ ba lafakao sibai ira niha andrõ, õfa ngaotoe fache waʼara. (Moz. II. 1, 13; 12, 40. Hal. zin. 7, 6). 14Ba soi andrõ gõi, si mõi ira sawoejoe, ba oehoekoe, ba awena dania aefa ira, eboea laʼohe anaʼa. (Moz. II. 11, 2; 12, 35. 36). 15Ba jaʼoegõ, ba sohahaoe tõdõ, irege oroedoeʼõ chõ ndra toeaoe; ba waʼatoea omasiõ tekoʼo ndraʼoegõ. (F. 25, 8). 16Ba õfa ngaʼõtõra, ba mangawoeli ira ba daʼe; lõʼõ na sa afõnoe zoeʼasoeʼa horõ Ndraono Gamori. (Moz. V. 9, 4). 17Ba me no aechoe loeo, me no ogõmigõmi sibai, ba so zimbo, hoelõ zimbo zino waʼoe ba soeloe, sanõrõ nisila no mege. 18Me loeo daʼõ fawoeʼoe li Jehowa chõ Gaberamo, imane: Ba maʼoewoemõ oebeʼe danõ andre, iʼotarai nidanõ Miseraji andrõ, iroegi nidanõ seboea andrõ, Oiferati, (F. 12, 7. Raz. I. 4, 21. Ngaʼõt. II. 9, 26), 19tanõ Ndraono Geni ba tanõ Ndraono Genisi ba tanõ Ndraono Gadamoni, (Moz. V. 7, 1), 20ba tanõ Ndraono Cheti ba tanõ Ndraono Weresi ba tanõ Ndraono Refati ba 21tanõ Ndraono Gamori ba tanõ Ndrawa Ganaʼana ba tanõ Ndraono Girigasi ba tanõ Ndraono Jeboesi.
Currently Selected:
SOERA MOZE I. FAZA 15.: NIA
Označeno
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.