रोमि 13
13
शासनों आधीन
1हर एक माहू शासकीय आधिकारी के आधीन रोय काहाके एखु अधिकार एह्लू ने जो परमेश्वरा वोगेरोत ने होय अने जो आधिकार होय तो परमेश्वराआ ठेरावलु होय. 2याकोअता जो कोडु अधिकारा विरोध कोअत्लू तो परमेश्वरोओ विधिही सामना कोअत्लू अने आड आवणारा दंड ओढवीत लेणारे. 3काहाके हाजा कामा कोअता अधिकारीही बीइलो एहलो नाहा परंतु वाईट कामा कोअता बीइलो होय तेहलाम अधिकाऱ्याआ भिईलो कायनाहा एहलो मोनामे ओयताहा हाजो ते को अने त्यापोरोत प्रशंसा उवे, 4काहाके का तो ताआ हाजा कामा कोअता परमेश्वरोओ सेवक होय परंतु केधी तू वाईट कोअनारू, ताहा भिईलो बाळग, काहाके तो तलवार व्यर्थ धारण कोईत नाहा अने परमेश्वरोओ सेवक होय का तियाआ क्रोधाअ नुसार वाईट काम कोआनाराहा शिक्षाम आपही. 5याकोअता फक्त आधीन रोहिलो नाहा ताहा तियाआ क्रोधाअ बीइलो बाळगणे नहाते सदाविवेक बुद्धी पण एज साक्ष आपोहो. 6याकोअता को पण आपा का काहाके अधिकार कोअनारे परमेश्वरोओ सेवक होय अने कायम याज कामोम लागित रोत रोतेहे. 7याकोअता आखाआ हक्क आपित टाका ज्याहा कर जोवे तियाहा को आपा, ज्याहा जकात आपलो तियाहा ते दया ज्याहा बिनारो होय तियाहा बीआ ज्याचा आदर कोअला जोवे तियाहा आदर को.
पड़ोसीसी प्रेम
8एकादिहराहा प्रीती कोअला याशिवाय कोडाआ कर्जदार रोहू नाहा काहाके जो दिहरापो प्रेम कोअत्लू तिये नियमशास्त्र पुरो कोए देदो पाल्यू होय. 9काहाके व्यभिचार कोहू नाहा, खून कोहू नाहा, लोभ तोहुं नाहा याआ आज्ञाआ अने कोठलीबी ऐहेली तेबी सारांश जीही आपापो तेहेली आपाआ आरी कोरयापो प्रीती को इयाच वचनोम होय. 10प्रेम आरीत्या किबी वाईट कोईत नाहा याकोअता प्रेम कोअला नियमशास्त्र पुरो कोअला होय.
मसीह पेईत लेअलो
11वेळेला ओलखीत ऐहलेच को याकोअता का आखे तुमु उवतुलू उठिलो एहली वेल आवयी होय काहाके का ज्या वेळेला आमाहा विश्वास कोअयु ओतु तियाअ वेलाआ विचाराआ आमाआ उद्धार जागे होय. 12रात सरत जात दीही निहुलेवोले होय, याकोअता आमू काराच्या कामाकोता त्यागून उजवाडामे हत्यार बांधीत लेदलेए. 13जेहलो दिह्याहा होबा आपोहो, तेहलूज आपु हुदी चाल सालीलो चैनबाजीत, मद्यपानात, विषयविलासात अने कामोश्क्ती, सुलालो अने मत्सरामेहे कायनेते. 14ताहा तुमु प्रभू येशु ख्रिस्ताहा पेइत्लु को अने डीलोसनाना तृप्त कोइला कोअता तरतूद कोहू नाहा.
Выбрано:
रोमि 13: NOINT
Выделить
Копировать
Сравнить
Поделиться
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
