रोमि 14
14
स्वतंत्रताआ नियम
1जो विश्वासामेहे कमजोर होय, त्या हा आपाआ संगती मेहे लेत लेवा पोन तियाआ निर्णीय लेहु कोअता नाहा. 2एकाहा विश्वास होय का आखे किबी खाअलो उचित होय परंतु जो विश्वासामेहे दुर्बल होय तो भाजीपालू खात्लू. 3जो खानारू तिये न खाणाराहा तुच्छ मानह कायना, अने जो खायलो नाहा तिये खाणाराआ तुच्छ मानह कायना काहाके देवूही आखे किबी बोनाडहि होय. 4तू कोडू होय जो दिहरा सेवकोहो दोष देखाडलिजे? तियाआ स्थिर रोहिलो किंवा पोडीत जालो तियाआ स्वामीई संबध मेकोहो, परंतु ते स्थिर ओत जानारू काहाके प्रभू तियाहा स्थिर रोहू शकतो. 5कोडु होमला दिह्याहा दिहरा दिहारोत जाखा महत्व आपोहो अने कोडु आखे दिहीहो एक एकहरको मोनोहो हर एक जनाने आपाआ मोनामे खात्री कोईत ल्या. 6जो कोडु दिह्याहा पालनारू, तो प्रभूहु मानतेहे, जो खात्लू तो प्रभु कोअता खात्लू, काहाके तो देवोओ धन्यवाद कोअत्लू. 7काहाके आपामेहे कोडु स्वतः कोअता जगत नाहा अने कोडु स्वतः कोअता मोईत नाहा. 8जर आमू जिवंत होय ताहा प्रभु कोअता जीवित होय अने जर मोईत होय ताहा प्रभु कोअता मोईत होय आखरी आमाहा जगू कामोओ, आमू प्रभूउज होय. 9काहाके ख्रिस्त यकोअता मरण पाव्यू अने जिवंत ओवयू का तो मोल्याआ अने जिवंताआ बेनोहो प्रभू होय. 10तू आपाआ पाहीपो काहा दोष लागाडीत? किंवा फासी तू आपाआ पायहोहो काहा तुच्छ मोनोहो? आमाहा आखे देवोओ न्याया सनासमोर उभे रोही होय. 11काहाके लेखिलो होय, प्रभू कोत्लू आय जिवंत होय ताहा माआगाडी हर एक जोओ गुडघे टेके, अने हर एक जीभ देवोहो अंगीकार कोअही. 12यकोअता आमू मायरोत हर एक जोओ देवोहो आप आपाआ हिशोब आपी. 13आखरी, तीयाकोता आपु या आगाडी एका दिहरापो दोष लागाडहु नाहा पोन तुमु ठेरवीत ल्या का कोडु आपाआ पायहोकाजे ठोकायू किंवा ठोकर खाअला काहाके बोनहू कायना.
प्रेमो नियम
14माहु मालूमे होय अने प्रभू येशुमेहे माहु खात्री होय का कोडली वस्तू स्वतः हाजो नाहा परंतु जो तियाहा अशुद्ध उल्लासीत तीयाकोता अशुद्ध होय. 15जर ताआ पाही ताआ रोटू कोइलाआ कारनोवाही नाराज ओतू, ताहा तू प्रेमोवाही सालतू नाहा याकोअता ख्रिस्त मोल्यु तियाहा तू आपाआ खालोज कारनोवाही नष्ट कोहू नाहा. 16आखरी, तुमा कोअता जे हाजो होय तियाआ निंदा कोहू नाहा. 17काहाके देवोओ राज्य खायलो किंवा पिईलो यामे नाहा ताहा नितीमत्व, शांती अने आत्माद्वारे मिलनारू आनंद होय, जो पवित्र आत्मावांहि मिललू. 18जो कोडु आव रीतीवाही ख्रिस्ताची सेवा कोअत्लू तो देवोहो पालत्लू अने माहामे ग्रहणयोग्य होय. 19यकोअता आमाहा तियाअ गोठीमेहे रमून रोअलो त्याआरी भेटी गोडो अने एक दिहराआ हुधारीलो उवे. 20रोटा कोअता देवाच्या कामाकोता बिगाडीलो नाहा, आखे किबी शुद्ध ताहा होय पोन तिया मांहाकोअता वाईट होय जो माहुहू तियाहा ठोकर आवे एहला प्रमाणे खाय. 21हाजो ताहा ओ होय का नाहा माहा खाही अने न द्राक्षरस पीही, अने किबी एहलो कोहू नाहा ज्याआपोरोत ताआ पायहोहो ठोकर लागे. 22ताआ जो विश्वास होय तियाहा देवोरी आपाहाज मोनामे मेका, धन्य होय जो तियाअ गोठीमेहे ज्याहा तो ठीक उल्लासीत, आपाआ स्वतःहा दोषी ठरावीत नाहा, 23पोन जो संशय तोईत खाय तो दोषी ओलखिणारा काहाके विश्वासा खायलो नाहा अने जे किबी विश्वासा नाहा ते पाप होय.
Выбрано:
रोमि 14: NOINT
Выделить
Копировать
Сравнить
Поделиться
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
