रोमि 12
12
परमेश्वरोहो जीवतु बलिदान
1याकोअता ऐ पाही, आय तुमाहा परमेश्वराआ दया ओर कोआडित विनती कोअहो का आपाआ शरीरो ओ जीवते अने पवित्र अने परमेश्वरोहो पोटे ऐहलो बलिदान कोईत चोडावा, ऐ तुमाआ आत्मिक सेवा होय. 2या संसारो सारखे बोनहू नाहा, परंतु आपाआ मोनोमेहे नोवो कोयलो जी जीव रुपांतर ओवुहू आपा, ज्याआपोरोत तुमु परमेश्वरोओ उत्तम, अने ग्रहणीय अने सिद्ध इच्छा महामुंदू होमजीत लेत रो.
आत्मिक वरदान सी परमेश्वरोओ सेवा
3काहाके का आय तियाअ कृपादानाच्या कारनोवाही जे माहु जोडयेहे होय तुमा मेहेरोत हर एक जनाला कोत्लू, का आपाआ योग्यते पेक्षा जाखा स्वतःहा मानह नाहा परंतु जेहलो परमेश्वराने प्रत्येकाहा विश्वासाआ परिनामा नुसार वाटीत आप्लु होय तेहलूज सुबुद्धी आरी आपाहा सोमजा. 4कोईत का जेहलो आमा डीला अनेक अवयव होय अने आखे अवयवाचे एकाच काम नाहा, 5तेहलूज आमाहा खूप जोओ ओमेत ख्रिस्तामध्ये एक डील अने हर एक जोओ एकमेकाआ अवयव होय. 6जाहा का तिया कृपादानाच्या नुसार जे आमाहा आप्लु गोये होय आमाहा भिन्न-भिन्न वरदान जोडयेहे होय, ताहा ज्याहा भविष्यवाणी कोईत वरदान जोडयेहे होय, तिये ते विश्वासाआ परिनामा नुसार भविष्यवाणी कोईली, 7ज्याहा सेवा कोईत वरदान जोडयेहे होय तिये सेवा लागित रोअलो ज्याहा शिकाडिलो वरदान जोडयेहे होय तिये शिक्षण आपलो लागित रोअलो, 8ज्याहा सुवार्ता कोअंलाअ वरदान जोडयेहे होय, तिये सुवार्ता सांगण्यात लागणारच रोअलो अने दान देणाऱ्याने ते औदर्याने आपलो अने जो दया कोअत्लू तिये ते खुश कोईली.
मसीह व्यवहार
9प्रेमोमेहे ढोंग कायनेते, बुराई सी घृणा कोआ, भलाई कोअता रोवा. 10बंधु प्रेमाच्या बाबतीम खोरो स्नेहभाव देखाडातुमी हर एक जोओ एकादिहराहा आदरा कोईत आपा पेक्षा वोडू माना. 11आस्थे विषयी मंद असू नाहा, आत्माम उत्सुक एहले प्रभु होय सेवा कोईत रो 12आशा विषयाम आनंदाम रो संकटाम धीर तोआ प्रार्थनामे निरंतर लागित रो. 13पवित्र मांहाहा गरजा पुरो को पावनाहा खावाडीलो मदत कोअलाआ लागित रो. 14तुमामे त्रास आपनारा आशीर्वाद आपा, आशीर्वादच आपा शाप आपुहू नाहा. 15आनंद कोअनाऱ्या आरी आनंद कोआपणे शोक कोनारारी शोक को. 16आपसामेहे एकचित एहेलू वोडवोडा गोठीपो मन लागाडीलो मुक्या नाहा ताहा गरीब माहुआरी होबती मेका स्वतःहा शहाणे होमज्यू नाहा. 17कायने हाजो बद्दल वाईट एहली कोडाआ फेड कोहू नाहा आखे मांहाहा नोजरेवाही जे सात्विक ते कोईला कोअता लक्ष्य मेका. 18शक्य ताहा आखे मांहाआरी तुमाही रोत उवे तेतोज शांतीई रो. 19प्रिय जनहो, ताआ बदलू मा लेही, ताहा देवाच्या क्रोधाला वात आपा काहाके शास्त्रात लेखिलो होय का बदलू घेणे मांही होय आय बदलू लेही ऐहे प्रभू कोत्लू. 20आव उलटो जर ताआ दुश्मन फुक लागीही होय ताहा तियाहा रोटू आप अने तोर्ह्यु होय ताहा पाई आप काहाके एहलो कोलाकोता तू तियाआ मुंडकापो आरो रास कोअही. 21बुराई सी मा हाराहा, पोन भलाई सी बुराई यीही जिकित लेवा.
Выбрано:
रोमि 12: NOINT
Выделить
Копировать
Сравнить
Поделиться
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
