Matayo 6
6
Okutakorera kusiimwa abantu
1Mwerinde, murekye kukorera eby'okuhikiirira byanyu omu maisho g'abantu ngu babareebe; mumanye ngu, ku muraabe nimukora mutyo, Shoimwe ori omu iguru taribaha bihembo. 2N'ahabw'ekyo ku origabira abooro, otaryeteerera enzamba, nk'oku endyarya zikora omuri sinagogi n'omu nguuto, ngu basiimwe abantu. Buzimazima nimbagambira nti: Baherize kuheebwa ebihembo byabo. 3Kwonka ku oraabe waagabiire abooro, omukono gwawe gwa bumohso gurekye kumanya eki ogwa buryo gurikukora, 4okugaba kwawe kube omu mubonano; kandi Sho oreeba eby'omu mubonano aryakuha ebihembo.
Eby'okushaba
5 #
Mat 23:5, 6. Ku muraabe nimushaba, murekye kuba nk'endyarya; ahabw'okuba bakunda kushaba beemereire omuri sinagogi n'omu mateeraniro g'enguuto, ngu bareebwe abantu. Buzimazima nimbagambira nti: Abo baherize kuheebwa ebihembo byabo. 6Kwonka iwe ku oraaze kushaba, otaahe omu kishengye kyawe, obanze okingye orwigi, oshabe Sho ori omu mubonano; kandi Sho ogwo oreeba eby'omu mubonano, aryakuha ebihembo.
7 #
Isa 1:15. Ku muraabe nimushaba, murekye kushaba nimugarukagaruka omu bigambo bya busha, nk'oku abanyamahanga bashaba; haza nibateekateeka ngu nibaija kuhurirwa ahabw'ebigambo byabo bingi. 8Mutariba nkabo; ahakuba Shoimwe amanya ebi mukyenire mutakamushabire. 9#Luk 11:2-4. N'ahabw'ekyo mushabe muti:
Tataitwe ow'omu iguru,
Eiziina ryawe ryezibwe,
10 #
Luk 22:42. Obukama bwawe bwije;
Eby'okunda bikorwe omu nsi
Nk'oku bikorwa omu iguru;
11Otuhe hati eby'okurya ebi otuha obutoohsa;
12 #
Mat 18:21-35. Otusaasire amabanja gaitu,
Nkaitwe oku tusaasira abu turikwihuza;
13 #
1 Bus 29:11-13. Otatutwara omu kwohibwa
Kureka otujune Omubi.
14Ku murisaasira abantu eby'okushiisha byabo, naimwe Shoimwe ow'omu iguru aryabasaasira; 15#Mak 11:25, 26. kwonka ku muriba mutarikusaasira bantu eby'okushiisha byabo, naimwe Shoimwe taribasaasira by'okushiisha byanyu.
Eby'okwesiibyakwo
16 #
Isa 58:5-9. Ku muraabe nimwesiibyakwo, murekye kuba nk'endyarya, abeeyoreka baine enaku; ahakuba beeshiisha ahamaisho, ngu abantu babareebe ku beesiibizekwo. Buzimazima nimbagambira nti: Abo baherize kuheebwa ebihembo byabo. 17Kwonka iwe, ku oraayesiibyekwo, ogume oyesiigye amajuta omu mutwe, onaabe ahamaisho, 18abantu barekye kukureeba ku oyesiibizekwo, kureka Sho ori omu mubonano; kandi Sho oreeba eby'omu mubonano aryakuha ebihembo.
19Mutaryebiiikira eitungo omu nsi, ahi ebiyenje n'omukyereenyo birisiisira, n'abashuma ahu barima bakariiba. 20#Kol 3:1, 2. Kwonka mwebiikire eitungo omu iguru, ahi ebiyenje n'omukyereenyo bitaririsiisira, n'abashuma ahu bataririma bakariiba; 21ahakuba ahi eitungo ryawe riri, n'omutima gwawe niho guba.
22Etabaaza ey'omubiri niryo riisho. N'ahabw'ekyo eriisho ryawe ku riraabe riri rirungi, omubiri gwawe gwona nigwija kwijura omushana; 23kwonka eriisho ryawe ku riraabe riri ribi, omubiri gwawe gwona nigwija kwijura omwirima. Mbwenu omushana oguri omuriiwe ku guraabe guri omwirima, omwirima ogwo ka ni mwingi!
24Tihariho muntu orikubaasa kuheereza abakama babiri; ahakuba aryayangaho omwe, akunde ondi; nari aryagumira kyarimwe ahari omwe, agaye ondi. Timurikubaasa kuheereza Ruhanga na #6:24 Mamona: n'ekigambo ky'orurimi orurikwetwa “Aramaic”, amakuru ngu eitungo. Mamona.
Okuteemereza mutima
25 #
Luk 12:22-31. N'ahabw'ekyo nimbagambira nti: Mutaryemereza emitima yaanyu nimuteekateeka aha by'amagara gaanyu, nimutonzya muti, Turyarya ki? Turyanwa ki? n'aha mibiri yaanyu muti, Turyajwara ki? Amagara tigarikukira eby'okurya, n'omubiri tigurikukira ebijwaro?#Fil 4:6; 1 Pet 5:7. 26Mwetegyereze enyonyi z'omu mwanya; tizibiba, tizigyesha, n'obu kwakuba okuhunika omu bitara; kwonka Shoimwe ow'omu iguru aziriisa. Mbwenu imwe timurikuzikira? 27N'oha omuriimwe #6:27 nari: orikubaasa kwongyera aha rugyero rwe ekita na kimwe. orikubaasa kwongyera ekiro na kimwe aha rugyero rw'emyaka y'obukuru bwe ahabw'okwemereza omutima? 28Mbwenu n'enki ekibeemereresa emitima ahabw'ebijwaro? Mwetegyereze ebirabyo by'omu ishwa oku bimera; tibigira murimo, tibiruka myenda; 29beitu nimbagambira nti: Na Sulemaani omu kitiinisa kye kyona taraizihiirwe bijwaro nka kimwe aharibyo.
30Mbwenu Ruhanga ku araabe ajweka obunyaatsi bw'omu kishaka, oburiho hati, nyencakare bukanagwa omu mahega, tarikizaho kubajweka, imwe abaine okwikiriza kukye? 31N'ahabw'ekyo mutaryemereza emitima nimutonzya muti, Turyarya ki? nari, Turyanywa ki? nari shi, Turyajwara ki? 32ahakuba ebyo byona Abanyamahanga nibyo basherura; kandi Shoimwe ow'omu iguru naamanya ku ebyo byona bibashemereire. 33#1 Bag 3:13, 14; Zab 37:25. Kwonka mubanze musherure obukama bwe n'okuhikiirira kwe; n'ebyo byona muryabyongyerwaho. 34N'ahabw'ekyo mutaryemereza emitima aha bya nyencakare; ahakuba ebya nyencakare biryayemererezibwa omutima okwabyo. Reka buri kiro kihwe n'amaganya gaakyo.
Выбрано:
Matayo 6: RR64
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
The Bible in Runyankore-Rukiga © United Bible Societies, 1964