Matayo 5
5
Abaine omugisha oku bari
1 #
Luk 6:20-49. Ku yaareebire emitwe y'abantu, yaatemba ekibungo. Ku yaaherize kushutama ahansi, abeegi be baija ah'ari; 2yaatandika kugamba naabeegyesa ati:
3 #
Isa 57:15. Baine omugisha abooro omu mutima, ahabw'okuba abo obukama bw'omu iguru n'obwabo.
4 #
Zab 126:5; Isa 61:3. Baine omugisha abaganya; ahabw'okuba abo baryahuumuzibwa.
5 #
Zab 37:11. Baine omugisha abacureezi; ahabw'okuba abo baryahungura ensi.
6Baine omugisha abagiria, eby'okuhikiirira enjara n'eiriho, ahabw'okuba abo baryahaaga.
7Baine omugisha abanyambabazi, ahabw'okuba abo baryagirirwa embabazi.
8 #
Zab 24:4; 51:10; 1 Yoh 3:3. Baine omugisha abashemeire omu mutima, ahabw'okuba abo baryareeba Ruhanga.
9 #
Yak 3:18. Baine omugisha abagarukanisa abantu, ahabw'okuba abo baryayetwa abaana ba Ruhanga.
10 #
1 Pet 3:14. Baine omugisha abahiigwa ahabw'okuhikiirira, ahabw'okuba obukama bw'omu iguru n'obwabo.
11 #
1 Pet 4:14. Imwe mwine omugisha ku baribajuma, ku baribahiiga, ku baribabeiherera ekigambo kyona ekibi nibabantura. 12#Heb 11:33-38. Mushemererwe, mwesiime munonga; ahabw'okuba ebihembo byanyu biryaba bingi omu iguru; kandi nikwo baahiigire batyo baanabi abaabandize imwe.
13 #
Mak 9:50. Imwe muri omwoyo gw'ensi; beitu ku guraabe guhweirwemu ensha, muryagigaruramu muta? Niguba gutakiiine mugasho, kureka okunagwa aheeru, abantu bakaguribatiirira.
14 #
Yoh 8:12. Imwe muri omushana gw'ensi. Orurembo orwombekirwe aha rushozi tirubaasa kusherekwa. 15#Mak 4:21. Kandi tihaine okongyeza etabaaza, akagijuumikira ekiibo, kureka agita aha kikondo kyayo kumurikira ab'omu nju boona. 16#1 Pet 2:12. Omushana gwanyu gube nikwo gwajwa gutyo omu maisho g'abantu, bareebe emicwe yaanyu emirungi, babone kuhimbisa Shoimwe ori omu iguru.
Yesu okuhikiiriza Ebiragiro
17 #
Rom 3:31. Mutateekateeka ngu nkaija kwihaho Ebiragiro n'ebya Baanabi. Tindaizire kubiihaho kureka okubihikiiriza. 18#Luk 16:17; 21:33. Buzimazima nimbagambira nti: Eiguru n'ensi okuhitsya obu birihwaho, Ebiragiro tibirihwaho, n'obu yaakuba enyuguta emwe nari akatonyezi kamwe okuhitsya byona obu birihikiirizibwa. 19#Yak 2:10. Omuntu weena orihenda ekiragiro kimwe ahari ebi, n'obu kyakuba kiri kikye okukira ebindi byona, akakyegyesa abantu atyo, aryayetwa munto omu bukama bw'omu iguru; kwonka oribikwata, akabyegyesa, ogwo aryayetwa mukuru omu bukama bw'omu iguru. 20Ahakuba nimbagambira nti: Okuhikiirira kwanyu ku kuriba kutakizire kuhikiirira kw'abahandiiki n'Abafarisaayo, timuritaaha mu bukama bw'omu iguru na kakye.
Okushoboorora ebiragiro.
Otariita
21 #
Kur 20:13; Lev 24:17. Mukahurira ku kyaragiirwe aba ira ngu: otariita; kandi ngu: Oriita aryaba ashemereire kugiibwaho orubanja. 22#1 Yoh 3:15. Kwonka nyowe nimbagambira nti: omuntu weena #5:22 Ogwerwa kubi mugyenzi we, ataine ki agambire. origwerwa kubi mugyenzi we, aryaba ashemereire kugiibwaho orubanja; n'ogwo origambira mugyenzi we ati: #5:22 Omugwerwa kubi, akagamba eky'okumugaya-Raaka! Raaka! aryaba ashemereire kutwarwa omu ishengyero; kandi orumugira ati: ori #5:22 Omugwerwa kubi, akagamba eky'okumujuma. ekifeera! aryaba ashemereire kunagwa omuri Gehena y'omuriro. 23N'ahabw'ekyo ku oraabe oreetsire empongano yaawe aha itambiro, waijukira aho eki oshobeize mugyenzi waawe, 24otsigye empongano yaawe omu maisho g'eitambiro, ogyende, obanze ogarukane nawe, bwanyima ogarukye oheyo empongano yaawe egyo. 25#Luk 12:58, 59; Mat 18:35. Rahuka kwikirizana n'ogwo orikukutabaariza, mukiri omu muhanda, orikukutabaariza atakaakuhayo aha muramuzi, n'omuramuzi akakuha omuserukare, naiwe okateebwa omu kihome. 26Buzimazima ninkugambira nti: Torirugamu okuhitsya obu oriihura eibanja ryona, otatsigyeyo nangwa na sente emwe.
Otarishambana
27Mukahurira ku yaragiirwe ngu: Otarishambana. 28#2 Pet 2:14. Kwonka nyowe nibmagambira nti: Orikureeba omukazi kamwetenga, biri aherize kumushambanaho omu mutima gwe. 29#Mak 9:42-47. N'eriisho ryawe rya buryo ku riraabe nirikureetera kukora ekibi, oriihemu, orinagye; haakiri okufeerwa ekicweka kyawe kimwe, okukira omubiri gwawe gwona okunagwa omuri Gehena. 30Kandi omukono gwawe gwa buryo ku guraabe nigukureetera kukora ekibi, ogutemeho, ogunagye; haakiri okufeerwa ekicweka kyawe kimwe okukira omubiri gwawe gwona okunagwa omuri Gehena.
31 #
Mat 19:3-9; Bir 24:1. Kandi kikagambwa ngu, omuntu weena ku araashende omukazi we, amuhe ebaruha y'okumushenda. 32#Luk 16:18; 1 Kor 7:10, 11. Kwonka nyowe nimbagambira nti: Omuntu weena orishenda omukazi we, atamutuzire kushambana, biri aryaba amushambaniise, kandi orishwera ogwo oshenzirwe, biri aryaba ashambaine.
Otarirahira ebishuba
33 #
Kub 30:2. Kandi mukahurira ku kyaragiirwe aba ira ngu: otarirahira ebishuba, kureka oryahikiiriza ahari Mukama ebi warahiire. 34#Isa 66:1; Byak 7:49. Kwonka nyowe nimbagambira nti: otarirahira na kakye, n'obu ryakuba eiguru, ahakuba n'ekitebe kya Ruhanga, 35#Zab 48:2. n'obu yaakuba ensi, ahakuba n'akatebe k'ebigyere bye, n'obu yaakuba Yerusaalemu, ahakuba n'orurembo rw'Omukama Omukuru. 36Otarirahira omutwe gwawe; ahakuba torikubaasa kweza kashokye kamwe n'obu kwakuba okukairaguza. 37#Yak 5:12. Kwonka ebigambo byanyu bibe, Eego, Eego, nari Ngaaha, Ngaaha; ahakuba ebirikukira ahari ebyo biruga aha Mubi.
Otaryehoorera enzigu, okunde abarikukwanga
38 #
Lev 24:19, 20. Mukahuria ku kyagambirwe ngu: Eriisho riryarihwa eriisho; kandi eriino riryarihwa eriino. 39#Luk 6:27-36. Kwonka nyowe nimbagambira nti: Otarirwana n'omuntu mubi. Omuntu weena orikuteera oruhi rw'omushaya gwa buryo, omuhindurire ogwa bumosho;#Lev 19:18; Yoh 18:22, 23. 40#1 Kor 6:7. n'omuntu ku aryenda kukutabaariza ngu akwakye ekanzu yaawe, omuhe n'omunagiro gwawe. 41Kandi weena orikugyema kugyenda nawe mahiro emwe, ogyende nawe n'eya kabiri. 42Orikushaba, omuhe; orikweguzaho, otarimuteera amabega.
43 #
Lev 19:18. Mukahurira ku kyagambirwe ngu: okunde mutaahi waawe, oyangye omuzigu waawe. 44#Kur 23:4, 5; Rom 12:14, 20; Luk 23:34; Byak 7:59. Kwonka nyowe nimbagambira nti: Mukunde abazigu baanyu, kandi mushabire n'abarikubahiiga, 45mubone kuba abaana ba Shoimwe ori omu iguru; ahabw'okuba eizooba rye arijwisiza ababi n'abarungi, kandi agwisiza enjura abahikiriire n'abatahikiriire. 46Mbwenu ku muraabe nimukunda abarikubakunda, muryaheebwa bihembo ki? N'abahooza tikwo bakora batyo? 47Kandi ku muraabe nimuramutsya beene waanyu bonka, abandi nimubakiza ki? N'abanyamahanga tikwo bakora batyo? 48N'ahabw'ekyo mube abahikiriire nka Shoimwe ori omu iguru oku ahikiriire.
Выбрано:
Matayo 5: RR64
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
The Bible in Runyankore-Rukiga © United Bible Societies, 1964