Versete biblice populare din Yaˍkoˆ li‸ 3

Împărtășește

Mvuhˇ naw ma lo ya‸ la ve cuˇ yiˍ lehˬ, awˉ lawˉ da‸ ve kehˬ ve, hkʼaw‸ nawˉ cawˇ da‸ hui da‸ ve, nyi ma nuˇ nehˬ ve, na yuˬ puiˉ ve leh, ha kʼaˉ ve teˇ ceuˬ ka‸, da‸ ve awˬ shiˍ ka‸, hkʼa biˇ cawˬ ve yoˬ. Htawˇ hpfuhˆ nawˬ hpfuhˆ te ve nyi ma leh, heˍ ve nyi ma maˇ cawˬ ve yoˬ.

Nawˬ hui awˬ hkʼaw lo, cuˇ yiˍ cawˬ leh shiˍ puiˉ ve chaw a shu le. Chaw oˇ ve lehˬ, cuˇ yiˍ maˍ yiˍ cawˬ ve hkʼe, nyi ma nuˇ nehˬ ve awˬ hkʼaw lo, da‸ ve awˬ liˇ awˬ hkʼaˇ teˇ hpaˍ hta‸ te leh, yawˇ ve kanˉ teˇ hpaˍ hta‸ hpeu‸ maˍ piˇ lawˬ-o‸.

Cawˇ da‸ hui da‸ tuˬ te ve chaw hui lehˬ, dawˇ sha ve awˬ hkʼaw lo sheˍ leh, hteˇ ve cawˇ ve awˬ shiˍ hta‸ gʼa ve yoˬ.

Awˬ lawn kʼo, hkawehˉ puiˉ ve nyi ma cawˬ leh, nyi ma uiˍ ve awˬ hkʼaw lo awˬ moˍ shawˍ da‸ pehˬ da‸ puiˉ ve nyi ma cawˬ ve kʼo, sho‸ sha‸ ve awˬ ceuˬ leh haiˬ ve awˬ ceuˬ hkʼa biˇ cawˬ ve yoˬ.

Ngaˬ hui ha tehˍ hta‸ yehˇ leh ngaˬ hui ve Awˬ pa hpeh‸ ve Jawˇmawˇ Gʼuiˬsha hta‸ chiˇ mvuh ve yoˬ. Peuˬ leh, Gʼuiˬsha ve awˬ ho‸ awˬ han hkʼa shuˍ shuˍ te hpanˍ taˍ ve chaw yaˇ hta‸ ngaˬ hui ha tehˍ hta‸ yehˇ leh kʼaw‸ hkeu piˇ sheˍ ve yoˬ. Maw‸ kʼaw teˇ maˬ tiˉ awˬ hkʼaw lo, chiˇ mvuh ve hkawˇ ka‸, hkeu ve hkawˇ ka‸ tawˆ la ve yoˬ. Ngaˬ awˬ viˉ awˬ nyi teˇ hpaˍ-oˬ, chi hkʼe te maˇ cawˇ ve yoˬ.

Ha tehˍ lehˬ, aˬ miˍ hkʼe hpeh‸ ve yoˬ. Ngaˬ hui ve awˬ to awˬ hkʼaw lo, ha tehˍ lehˬ venˇbaˆ ve mvuhˇmiˬ htawˇ hpeh‸ ve yoˬ. Ngaˬ hui ve awˬ to hkʼa peu-eˬ hta‸ cha‸ chiˆ tuˬ te ve yoˬ. Nyi ma awˬ hkʼaw lo haiˬ ve awˬ ceuˬ maˇ maˇ hpehˇ tawˆ la piˇ leh, shaˬ te shaˬ maˇ la tcuhˉ taˍ ve yoˬ. Moˬ naˆ ho‸ lehˬ, ha tehˍ hta‸ aˬ miˍ tuˉ piˇ ve yoˬ.

Ya‸ hkʼaˇ, chaw yaˇ lehˬ, ha tehˍ hta‸ meuˇ la tuˬ te maˇ gʼa. Ha tehˍ lehˬ, ta‸ iˉ maˇ chehˇ puiˉ ve haiˬ ve awˬ ceuˬ hpeh‸ ve yoˬ. Suh piˇ puiˉ ve awˬ taw‸ ma htawˇ, yawˇ awˬ hkʼaw lo hkʼa biˇ cawˬ ve yoˬ.

Ngaˬ awˬ viˉ awˬ nyi teˇ hpaˍ-oˬ, nawˬ hui laiˉ gʼaˇ maˍ piˇ shehˍ hpaˇ taˇ te. Awˬ lawn kʼo, maˍ piˇ shehˍ hpaˇ teˇ hpaˍ lehˬ, shu a‸ kehˉ leuˉ leh suhˉ jehˬ ve hta‸ gʼa hkanˍ tuˬ ve hta‸ nawˬ hui shiˍ chehˇ ve yoˬ.