Versete biblice populare din Yaˍkoˆ li‸ 4

Împărtășește

Chi hta‸ pa taw, Gʼuiˬsha uˉ peunˍ ve awˬ hawˉ lo hkʼa deh‸ chehˇ-oˆ. Neˇhaiˬ hta‸ tawˍ taˍ-o‸. Nawˬ hui lo yawˇ hpaw tawˆ-e tuˬ yoˬ.

Gʼuiˬsha geh jiˆ laˬ-o‸. Hkʼe te kʼo, yawˇ nawˬ hui geh jiˆ laˬ tuˬ yoˬ. Venˇbaˆ yaˇ hui-oˬ, nawˬ hui ve la‸ sheh hta‸ tsuhˇ hpu tsuhˇ kehˬ-o‸. Nyi ma nyiˇ hkʼaˇ dawˇ ve chaw hui-oˬ, nawˬ hui ve nyi ma hta‸ da‸ la kehˬ la piˇ-oˆ.

Jawˇmawˇ Gʼuiˬsha mehˆ gʼuˇ suhˍ nyi ma nehˬ lehˍ taˍ-o‸. Yawˇ nawˬ hui hta‸ chiˇ taˆ laˇ tuˬ yoˬ.

Yawˇ lehˬ awˬ bon leuˉ leh piˇ ve yoˬ. Li‸ hpu hkʼaw bvuh‸ taˍ ve hkʼe, Gʼuiˬsha lehˬ nyi ma uiˍ ve mvuh ve chaw hui hta‸ tawˍ taˍ leh, nyi ma nuˇ nehˬ ve chaw hui hta‸ awˬ bon piˇ ve yoˬ teh‸ bvuh‸ taˍ ve yoˬ.

Hkʼe te leh, da‸ ve hta‸ te tuˬ shiˍ taˍ htawˇ maˇ te ve chaw lehˬ, yawˇ awˬ pon venˇbaˆ hpeh‸ ve yoˬ.

Nawˬ hui lawˬ htawˇ maˇ gʼa. Awˬ lawn kʼo, nawˬ hui awˬ suhˍ awˬ shaˍ hpawˇ nyi hkʼaˇ suh tuˬ ceh te gaˇ ve pa taw, nawˬ hui lawˬ ya‸ ve yoˬ.

Haˉ chawˇ haˉ paˆ te shehˍ ma hta‸ shuˍ ve chaw teˇ hpaˍ-oˬ, miˬguiˬ awˬ liˇ hta‸ awˬ chawˇ te ve chaw teˇ hpaˍ lehˬ, Gʼuiˬsha ve canˇ paˍ hpeh‸ ve hta‸ nawˬ hui maˇ shiˍ laˇ. Miˬguiˬ awˬ liˇ hta‸ awˬ chawˇ te gaˇ ve chaw hkʼaˬ ve teˇ gʼaˇ maˇ kʼoˆ, Gʼuiˬsha ve canˇ paˍ hpeh‸ ve yoˬ.

Shawˉ pawˍ hkʼaˬ hkʼe hpeh‸ la tuˬ ve hta‸ nawˬ hui maˇ shiˍ. Nawˬ ve a sha‸ aˬ hto‸ ma hta‸ shuˍ da‸ le. Teˇ hkui tiˉ gʼa mawˬ taˉ leh, mehˉ kʼai ve iˉ kaˆ shaˉ hta‸ shuˍ da‸ ve yoˬ.