Versete biblice populare din Tawˆ kʼai ve li‸ 3

Împărtășește

Gʼuiˬsha kʼaw‸ kʼoˆ ve, Ngaˬ lehˬ, Ngaˬ hpeh‸ ve yoˬ. Yawˇ hui hta‸ chi hkʼe kʼoˆ piˇ-oˆ. Ngaˬ lehˬ, ngaˬ hpeh‸ ve yoˬ, teh‸ kʼoˆ shehˍ hpaˇ teˇ gʼaˇ, ngaˬ hta‸ nawˬ hui geh peu laˇ ve yoˬ, teh‸ yawˇ hui hta‸ kʼoˆ piˇ-oˆ.

Gʼuiˬsha kʼaw‸ kʼoˆ ve, Ngaˬ nawˬ geh chehˇ taˍ ve yoˬ. Ngaˬ nawˬ hta‸ kʼai tcuh ve yoˬ, teh‸ nawˬ hkʼa deh‸ shiˍ hpeh‸ tuˬ shaˉ hkiˆ chi hkʼe cawˬ ve yoˬ. Chaw oˇ ve teˇ hpaˍ hta‸ nawˬ Eˇjiˇtu‸ mvuhˇmiˬ hkʼaw shiˍ tawˆ la peuˬ ve teˇ yanˇ, nawˬ hui hkʼa peu-eˬ hkʼaw pui chi ve awˬ hkʼoˆ lo ngaˬ hta‸ oˉ kʼoˍ gʼa pui tuˬ yoˬ, teh‸ yawˇ hta‸ kʼoˆ piˇ ve yoˬ.

Gʼuiˬsha kʼoˆ ve, Awˬ paˇ neˇ lo taˇ laˬ. Nawˬ ve hkuiˉ nuˆ kʼehˆ-oˆ. Awˬ lawn kʼo, chi beu‸ nawˬ huˉ taˍ ve chehˇ kuiˬ lehˬ, da‸ kehˬ ve chehˇ kuiˬ hpeh‸ve yoˬ.

Oˇ htaˇ Gʼuiˬsha kʼoˆ ve, Eˇjiˇtu‸ mvuhˇmiˬ hkʼaw lo ngaˬ ve chaw teˇ hpaˍ hkʼaˬ ma gʼa tu‸ gʼa hkanˍ chehˇ ve hta‸ ngaˬ gʼa mawˬ peuˬ. Yawˇ hui hta‸ ponˬ laˇ tuˬ kuˬ chehˇ ve awˬ hkawˇ hta‸ htawˇ ngaˬ gʼa kaˇ peuˬ. Ngaˬ yawˇ hui hta‸ Eˇjiˇtu‸ chaw hui ve la‸ sheh hkʼaw ponˬ piˇ leh, hkuiˇ jaˇ da‸ jaˇ ve mvuhˇmiˬ lo yawˇ hui hta‸ shiˍ kʼai piˇ gaˇ ve yoˬ. Mvuhˇmiˬ oˇ ve lehˬ Hkaˍnaˍniˆ chaw, Hiˇtiˆ chaw, Aˍmawˇriˆ chaw, Hpeˍraˍziˆ chaw, Hiˇviˆ chaw leh Yeˍbuˇsiˆ chaw hui ve mvuhˇmiˬ hpeh‸ ve yoˬ.

Oˇ kaˬ lo Gʼuiˬsha ve mvuhˇ naw tcuh yaˇ teˇ gʼaˇ, suhˆ buiˇ hkʼaw lo aˬ miˍ ha hkʼa shuˍ yawˇ mehˆ gʼuˇ suhˍ tawˆ la ve yoˬ. Suhˆ buiˇ oˇ ve aˬ miˍ to‸ chehˇ ve htawˇ, te‸ chiˉ maˇ hpeh‸ ve hta‸ yawˇ gʼa mawˬ ve yoˬ.

Ngaˬ ve chaw teˇ hpaˍ hta‸ Eˇjiˇtu‸ mvuhˇmiˬ hkʼaw shiˍ tawˆ piˇ tuˬ, chi beu‸ ngaˬ nawˬ hta‸ Eˇjiˇtu‸ jawˇmawˇ geh kʼai peu laˇ tuˬ yoˬ, teh‸ yawˇ hta‸ kʼoˆ piˇ ve yoˬ.