Versete biblice populare din Maku 14

Împărtășește

Uiꞌywot wuatꞌi nug kuap hat En miꞌi tupono etat teran uipo pyi meikowat kuiꞌa miꞌi pote etat maꞌato yt pote yt e. Waku emikyꞌesat ewy atunug e.

Yt eweiket neꞌi teiꞌo maꞌato ewehẽtup o Tupana kape koran tiꞌitu ahiag ehãꞌãg hawyi ewetunug yt naku i hap e. Taꞌi ewetunug neran ni Tupana mikyꞌesat ewy eipyꞌa pe ehesaika kahato wen maꞌato ti eipiit wyti iperup kahato hap ewy toineꞌen e Iesui Peteruꞌin me.

Miꞌi pote pywo pe ti areꞌe ehepe aikope aikope ti aru mesuwat yi wato hap oktan miitꞌin henoi Tupana ehay wakuat miꞌi hap iꞌewyte te ti aru mesuwat haryporia minug wakuap uhepiat hap taꞌatuhenoi wuatꞌi ywania pe. Yt karãpe i waure wo miitꞌin wanetup hawe uhetiat taꞌatuhenoi uhetiat turan e.

Tohatyꞌu tuwanetup kahato hawyi toꞌe myẽꞌym ok takaria tomiereto haria pe -Uiwyriaꞌin Uito ti ahatyꞌu kahato raꞌyn uipyꞌa pe e. Taꞌi ipoityꞌi kahato ti uhete e. Yt uipyꞌa wasu i hap porap uiꞌauka e. Eweikupteꞌen meiũpe ewehaꞌat hamo e myẽꞌym ok takaria pe.

Miꞌi hawyi teꞌerenuk hamo Iesui tat wẽtup a man hawyi waku e Tupana pe hawyi toipik pik hawyi toimoꞌẽ temiitꞌin me. Miꞌi hawyi toꞌe iꞌatuepe -Ewetuꞌu ro man pik pik e. Miꞌi ti uipiit e.

Miꞌi hawyi ihy kuiꞌa piat totat hawyi waku e Tupana pe hawyi toimoꞌẽ iꞌatuepe. Miꞌi hawyi yne teꞌereꞌyꞌu ihy wo e. -Miꞌi ti uhuu aat hap miitꞌin iꞌatu rakaria woꞌowehik Tupana wywuat hamuat hap e.

Miꞌi hawyi Iesui toꞌe towyriaꞌin me -Eiwesytpok yne ti aru uiꞌyatypepyi mesup ewãtym e. Taꞌi uiꞌatoiat yne eipe aikotã iwan me saꞌawyꞌi tohenoi hap ewy ti aru -Taꞌatukaꞌiwat auka hawyi ihũ koꞌi tuwesytpok yne e miwan me e Iesui towyriaꞌin me.

Pyno toran naꞌyn e. Eweipoĩꞌam no ewehaꞌat ro meikowo uimaꞌat hat tuut raꞌyn e.

Maꞌato Iesui toꞌe -Pywo pe ti mesup ewãtym naꞌyn ni aru waipaka ehay typuat hap owakai ti aru -Yt atikuap i Iesui ereꞌe irane iraniaꞌin me myẽꞌym mo e Iesui Peteru pe.