Versete biblice populare din Maku 11

Împărtășește

Miꞌi tupono ti karapeĩ eimikyꞌesat ehẽtup Tupana pe imohey hap wywo eweiꞌe ro eipyꞌa pe pote toineꞌen naꞌyn eipo pe raꞌyn emiẽtup ewywuat are. Katupono imohey hap wywo ehẽtup Tupana pe pote eimiẽtup ewy tutunug ehepiat tomohey hap oktan tutunug. Pywo ewehẽtup uimohey hap wywo pote putꞌok e eimikyꞌesat koꞌi e.

Pywo pe ti areꞌe ehepe uwe uwe meiũwat yityꞌok wato rakat ewywuat pe toꞌe -Ereto ro meiũpe pyi yꞌy wato kape hawyi minꞌere ro yꞌy wato pe imohey hap wywo yn miꞌi pote ti aru topopy raꞌyn meremo yityꞌok yꞌy wato kape hawyi minꞌe imohey hap oktan are e.

Pyno Tupana kapiat ehehay hamo eweimohãpyk to eipyꞌa piat yt eiwoꞌowese i hap koꞌi miꞌi pote ti aru Eiꞌywot atipy piat timohãpyk yne eiminug yt nakuap i koꞌi e.

Miꞌi hawyi Iesui tiꞌatunapin -Taꞌi eweimohey ro Tupana haty wo e.

Miꞌi hawyi miꞌi haria toiꞌatunapin haty wo -Yt eweikuap i apo aikotã Tupana toꞌe Isaia miwan me -Uiꞌyat ri atikyꞌesat wuatꞌi ywania ehay uhewowiat hamuat e. Maꞌato ti Tupana motypot yat ewetunug seroꞌok e haria yatno neꞌi are e. Yt naku i kahato ewetunug are e Iesui Tupana motypot yat piaria kareꞌen weneru haria pe.

Miꞌi hawyi miaria watꞌypmuaria teꞌerehum taꞌatuehay wepiit wywo -Taꞌi waku kahato ti Tupana iꞌatuꞌe. Meiũwat Miit ti tuut raꞌyn Tupana Mimotypot set upi iꞌatuꞌe.

-Meiũwat Miit ri Tupana Mipoꞌoro Aiporekuat nuat aikotã morekuat Tawi ewywatnuat iꞌatuꞌe. Toꞌiro Tupana Mipoꞌoro Morekuat Tawi Saipepiat sese motypot hamo iꞌatuꞌe mekewat muap upiaria sem tuwat tuwat Iesui upi -Wakuat kahato En atipy piat pe iꞌatuꞌe.