Versete biblice populare din Karasia 3

Împărtășește

Taꞌi Tupana tikuap kahato aipyꞌa piat iꞌaparap hap koꞌi. Miꞌi kaipyi ariaꞌyp posak kape Tupana tipoꞌoro Tosaꞌyru aiꞌapiheg hap u hamo. Tosaꞌyru suu wo toihep tokuasa hap pya raꞌyn aikai. -Uwe ariaꞌyp ete tomosatꞌe pe ikuꞌuro miꞌi uikuasa topyhuꞌat e Tupana saꞌawyꞌi miitꞌin me. Pyno koitywy Tupana pyꞌahok hap yt kat i ahete aikawiatnuat ikuꞌuro raꞌyn ariaꞌyp ete pote. Miꞌi hawyi ikai toineꞌen naꞌyn iwese hap.

Aito miitꞌin yt aiwoꞌoꞌewy hin i watukupteꞌen iraniaꞌin Iuteu ywania e hap koꞌi iraniaꞌin yt Iuteu ywania i iraniaꞌin ihainiaꞌin haryporiaꞌin iraniaꞌin gaꞌiwaria iraniaꞌin miit emiitꞌin. Maꞌato miꞌi pykai watoineꞌen Iesui mohey hap kaipyi wẽtup piit ewywuaria yn imohey haria sok aito pote are.

-Atipoityro aru Wẽtup Takat Emiariru e Tupana saꞌawyꞌi yian mete Aparãu me. Koitywy Iesui topyhuꞌat Aiporekuat no raꞌyn. Miꞌi hap kaipyi koitywy Tupana wanetup turan Aparãu Emiariruꞌin wo raꞌyn watopyhuꞌat katupono Iesui toineꞌen aiwywo pote Tupana miꞌatupoityro koꞌi sok aito Tupana e Aparãu miat hap ewy topyhuꞌat ahepe koitywy.

Saꞌawyꞌi Aparãu Tupana timowaku kahato mekewat tomohey kahato hap kaipyi tegyiꞌat hap kaipyi toipoityro. Miꞌi hap ewy koitywy aito i raꞌyn watoineꞌen wuatꞌi ywania Tupana mipoityro koꞌi raꞌyn watukupteꞌen. Mekewat tomipoityro sese tomipoꞌoro Aipotypot Iesui piat aikyiꞌat hap watomohey hap kaipyi aimohãpyk kuap. Mio koitywy mio tã e Tupana -Koitywy atum Uhaꞌyru mohey haria pe Uipaꞌãu e. Yt kat saꞌup mo i atum iꞌatuepe kat pote Uhaꞌyru upiaria miꞌiria pote e.

Uimohey kahato haria yn uimimohãpyk wuaria tukupteꞌen. Miꞌiria yn ni uiꞌyatypiat gupteꞌen hanuaria e Tupana saꞌawyꞌi. Mio tã e hap kaipyi watikuap taꞌyn saꞌawyꞌi wuat Tupana woꞌonapin hap nug yne hap kaipyi yt aimohãpyk kuap i are.