Versete biblice populare din Karasia 4

Împărtășește

Miꞌi hawyi tutum Tosaꞌyru Paꞌãu wakuat -Uimepytꞌin wo eweikupteꞌen toꞌe ahepiat hap. Putꞌok e hawyi Papai watoꞌe aat kaꞌap Tupana kape aipyꞌa pe. Tupana yat eropat haria ewy nimo watoineꞌen. Koitywy haꞌyruꞌin hakiꞌytꞌin no sese wo ainug naꞌyn. Koitywy Aiꞌywot powatꞌyp yn naꞌyn aikai paĩ haꞌyruꞌin sese hakiꞌytꞌin kahato wo aito.

Putꞌok e raꞌyn heꞌat tomikyꞌesat ewy raꞌyn topyhuꞌat hawyi Tupana tipoꞌoro Tosaꞌyru haryporia kaipywiat torannia tehay woꞌonapin hap nug hamuat raꞌyn. Putꞌok toꞌe hawyi yt wẽtup i Toꞌywot woꞌonapin hap toiꞌaparap. Tutunug yne imikyꞌesat oktan. Koitywy Iesui ainug Toꞌywot saꞌyruꞌin Toꞌywot sakiꞌytꞌin koꞌi wo. Koitywy watunug neran ainapin hap oktan katupono imepytꞌin pakup koꞌi watoineꞌen pote. Aikotã waku ehay uinapin hap atunug watoꞌe aat i aat i Tupana kape.

Maꞌato koitywy wyti Tupana sese kuap haria raꞌyn eweikupteꞌen. Iꞌewyte Tupana sese mikuap koꞌi eipe are. Kat hamo ten pyno koran eweiꞌaipok teran mekewat saꞌawyꞌi wuat eipyhyp hap ewywuat kape saꞌawyꞌi wuat eipyhyp hat eikaꞌiwat kape. Ehetupana ran yt kat etiat i kuap haria kape.