Versete biblice populare din Dadatika Maxaafa 37

Împărtășește

Yooseefinna oojjo oojjote; ojjotanna dayyuwwa ifike'n haaso'ee wodda insa'nee edi erra isoo jibbin.

Ya'iqoobii Yooseefi cimo giddo i'lemmaxxee wele labbaxxi oose ifixxi irra eeyya'nemman. Tennexxee bifa bifake shimalinni seesendeexxa qeerraaxxa seemma isi'a gobe.

Dayyuwwi isik anni insa'neek insa'ne erra isoo eeyya'neexxa uudeexxi Yoosefii jibbine; iso'n eloka afo'o midde haasonnebaan.

Higgeenna Yoosef wele oojjo oojjote ifike dayyuwwa'n, «Ani higgeenna wele oojjo oojjotenne; kunnise arishsho, agenjikinnaa tommenna mitte urjuwwa ani'a kunbulli hitaa'naa» hiyye haaso'e.

Dayyuwwi Yooseefik Yooseefii yo'oshsha hinaafe; yaane kinni anni tenne yaane godobange'ni abixxe.

Isinna dayyuwwa ifike'n «Oojjotennexxa oojjo haaso'aannen caqasse: No'o duuchchiingi fichchi giddo ladde usudhdhate'ni he'nee'naa dedhange'n anxi ladde kexxe toggi hite uurrite; ha'nooxxi ladduwwa anxe laddeke qarqara'n qoqqobbeexxi anxe ladde'a sagadde» hiyye.

Amme iso'o shinne tenne baluwwanaa'n mittete'n hunno, ookkoneechchi uduma «Elobaak biniinchi isoo iteen hinannon. Oojjo isixxinna maa kaddaaxxa uundannon.»

Midiyaamitotixxi daddalto insa'ne biri'a shiqqe daggee wodda; Yooseefik dayyuwwi Yooseefii bale giddii'n fulcheexxi Isima'elitote'n lame tomme birretike sibljo'n gurgurte. Insa'nenna Yooseefii Gibtse'a adhdhine me'ine.

Insa'nenna weli'aani weli «Oojjaalli ikki dage»

Dayyuwwikinna Yoosefi'i bayyanni afeexxi insa'neeba mare geyebaangi shinno'a mari'ante.

«Munde dundinoqqe'e; tenne gammoojje'n hexxeexxe bale giddo iso'o darbe malee anga ha'noxxa iso'n hobbi hitinoqqe'e» Roobelinna iitta hiyyeechchi iso'o anga insa'neexxenaa'n gatiseexxi anna isikiba'a ille iima hiisso'aten