Versete biblice populare din Be ya a Roma 10

Împărtășește

Ge tú anga jan, ano nobǝ jan a kpevǝ mbwe gwa a je jan, “Yeso a Etsodwe,” ngge ge tsǝ́ekǝ̀n a tsuruku mbwe jan, Ehwya è ti ye nyi etkyen a dì angǝ, ga ben nya e no a fwa efwam ángá.

Adia a ngge tsuruku a nobǝ e tsǝ́ekǝ̀n ngge be jan-gwa ara ye a chu zǝno mbwe chafya mo Ehwya, ngge ge jan nó a kpevǝ mbwe gwa ara je a chu chaebi mbwe, ba ti a vǝ́ ye.

Ba anona, ano nobǝ fo ara fwa hon, kǝnggwa ge tsǝ́ekǝ̀n, fwa hon a be fo ángá, a Fwa Esese a chu Yeso Kristi.

Efwe, fwa mo Ehwya jan, “Egwa egwa e tsǝ́ekǝ̀n a chu ye, ba no a didi be ye ebgenju ra.” Fwa hon ena tú anga, efwa mo etivǝm mo be ya a Yahuda ngge be ya e fwa be ya a Yahuda ra, té mò akan adia Etsodwe té akan, ngge ge no Etsodwe mo binbin mo be nobǝ. Ge bwe esese àywá a chu be binbin mo be nobǝ, ya e fǝ́ ti mbwe anga. Ge no tén abu fwa mo Ehwya jan anga, “Egwa egwa e fǝ́ Etsodwe dwa, ba ti a vǝ́ ye.”

Bwe engǝ ba du edgon ano be tson be be ra? Fwa mo Ehwya jan, “Be kpwafu mo be ya e du edgon a chu Fwa Esese anga, se endà twafǝ̀ chu.”

Echukǝnggwa, ano bwe a ge ba fǝ́ ende a be tsǝ́ be ekǝ̀n a chu ye ra dwa? Ngge ano bwe a ge ba tsǝ́ekǝ̀n a chu ende a be chà fo be fwa a chu ye ra? Ngge bwe engǝ ba fo Fwa Esese hon, ano ende akan chà du ye be edgon mo Fwa Esese hon ra?

Adia Kristi è bwekǝ̀n ara engà mo mò è bwe bè ti edon bwa ángá, evǝa egwa egwa e tsǝ́ekǝ̀n a chu Kristi, be bwe ye nga ara nobǝ esese a chafya mo Ehwya.