Versete biblice populare din Roma 5

Împărtășește

Nghoidloug we' ngoonu" gi yooboo shoid' mo danghoid nyid shi" uri Khristu gi ngoonu" shid' re" shid: kham too" bye. Houg khyo" Mangsoo: gi ngoonu" ri khayhi' jheddab da" khyoo: toin" shid' too" bye.

Hidsu" nheig deig nheig byu khyoo: gi - ngoonu" ri neig loem: byo yoin" nhang: wa zi anghoid - Khasu" wim ga ri Mangsoo: gi ngoonu" ri nyang: byid: da jeju" gyeungshang: venyi: dang khyo" nyang khayhi' jheddab khyoo: ri toin" shid' too" yoomo nghoid.

Sho" jhen: koug shu: nyid loug we' ngoonu" gau yi ngei pyo: nyid. Sho" jhen: koug shu: da" khyoo: ri yo" zeing: oung: pyam' wa khyoo: Zeing: oung: lo" da" khyoo: gi Mangsoo: yo" tain" tab nhang: - hau: tain" lo" khyoo: gi nheig shid" nheig byu khyoo: ri bui" nhang: zi ngoonu" se' boem bye.

Ngoonu" gi loem" jeung" khyoo: khyo" wigi Mangsoo: da" shid' khoin" moo deingbyeing" mo yo" bue" loo bye: yoomo ngoonu" da" Aseing Yesu Khristu khyo" Mangso: da shid' khoin" moo ngei pyoo: myenjham" khyoo: ri ngoonu" yo" kham zo: boem bye. ngoonu" gi Aseing Yesu ri loem" jeung" bye: yoomo Yesu gi ngoonu" ri Mangsoo: jeju" bid shoem: khoug: khyoo: shu" vang loo" bye. Hau: jeju" ri akhid" ngoonu" kham zo: nyid boem bye. Hougsu" nghoid yoomo ngoonu" gi Mangso: da" myonhoo: phung" yoeb ri yo" thoin" pang wam: bye: ein: nheig byu zi yo" phau: khuang myid boem bye.

ngoonu" gi nheig nhei: yoo ayoo" wim nyid da u" ri Khristu gi Mangsoo: khyen: to" ayo, akhyeing: moo akhyeing" ashoeb' mo da" shid' re" shid: kham bye.

ngoonu" gi Khristu shid: kham da" khyoo: khyo" Mangso: da" shid' khoin" moo deingbyeing" mo khyo" yo" vang loo" wa nghoid bye: yoomo Mangsoo: nheig yo: nyid jang" mo nyang khyo" yo" loid byoin loo" wa zi deing" deing nghoid nyid bye.

Byu dayug gi Mangso: da" dang: ri atam" gyo: da" akhyoo" gi byu dangain" mo yooboo yoo" mo bue" lo zi yo" dakhyoo" ti" byu dayug Mangso: da" dang: ri tam" gyo akyu" yoomo byu dangain" mo Mangso: da" shid' khoin" moo- deingbyeing" mo yo" bue" loo wa.

Hid: kyeing" za anghoid - Mangsoo: gi ngoonu" Aseing Yesu Khristu khyo" wigi Mangso: da" bidnoem bue" nhang: bye yoomo gau yi cang bo boem bye.