Versete biblice populare din Roma 10

Împărtășește

Hougsu" wigi Yesu gi Aseing: nghoid ga: wigi re" nhoid' moo yhen: yu lho: Mangsoo: gi - Hau da" Aseing: ri shid: da' jang" mo doem dei to'' loo nhang: da" khyoo: ri - re" nheigloem: ung: khoug: moo loem" jeung" nghoid rigi nang Mangsoo: da" khyoid' yu zi shau" wa nghoid.

Khasu" wim ga: ri nanu" gi nheigloem: ung: khoug: moo loem" jeung" khyo" Mangsoo: da" shid' khoin" moo deingbyeing" mo yo" bui" wa akhang" yo" lho: nhoid' mo yhen: yu khyo" khyoid' yu khyoo: ri yo" yu zi nghoid.

Houg yoomo byu yi gi Mungdang: shaug" gyoo: yoomo u" vang loem" jeung" lo boem. Byu dayug gi Khristu da" khyoo: kho" kyoo" yoomo byu yi gi mungdang: ri yo" shau" gyo: boem.

Hau: jhoem mungdang: moo hang" nghoid loug we' - ASEING Yesu ri loem" jeung" mo, gi nheigloem: byo yoin loo" wa khyoo: aboo loo: ga: tid to". Phoo Mangsoo: gi byu xangsu: yi dangain" bang: da" kangso' Aseing: nghoid lho: - nyang: gi akyu" mho' mo dangain" ri joeb byeung" da mainkaid jeju" byid. Houg: yoomo Yuda byumyu" yo" - tungbau byumyu" - ga: suid" aphyed'. Jhoem: mungdang: gi Mangsoo: ri akyu" mho' mo dangain" ri khyoid' yu khyoo: yo" yu wa ga: toin" shid' to.

Kho" kyoo" wa shid' re" nhang: kaid' su: abo ri khasu" se' kho" kyoo" wa. Jhoem: mungdang: moo bo zi yo" dakhyoo" ti" - ngibu: lu dang: gi ri voin loo mo da" khyid: yi gi - khayhi' young" du nyid boem lha"» ga: lhid" to".

Nghoidloug we' houg: bang: gi - u" vang loem" jeung" khyoo: abo rigi - Khasu" wigi - Aseing: jhang akyu" yhe; se' mho' wa lha". Mungdang: tarha" ashug" gyo: rigi - khasu" wim u" vang se' loem jeing" wa Mungdang: tarha" kho" kyoo" su: anyid ri khayo se' shaug" gyoo: wa

Houg: yoomo - Khristu gi tarha" pyaid ri thang loo" nhang: bye nghoid yoomo Aseing: ri loem" jeung" mo dangain" ri - nya: da" shid' khoin" moo deingbyeing" mo bue" loo wa da" akhang" ri Mangsoo: byid: bye.