Versete biblice populare din Galatas 5

Împărtășește

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja, jyrojãã ijehe, ijyjokokuaa. Kova mbaire mba'ety ñee mbyparahava ñymbyvaishohe verã.

Hãme rãnga hai pee: Piko Espiritu Santo potava rãĩmi, hareka avy pijapo pyndyroo potava.

Ã'ẽ jaiko Espiritu rupiirã, javatapo jyve Espiritu rupii.

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Javaĩã jahesha ha'ĩĩ hete potavaĩ japo'ia, kova hai: Ynga pota'ijya, javasa heta'ia, kyava japo'ia hareka opaisharei'ia, ñymombai vasu yngava Tũpa, ñymbypaje, pyryraihuã, ijeshatã, ñyngareko hareka poshyrei'i, potañoi ha'epaite, ñyrãrõ, pirĩmbijao'i, pyryreshatãã, pirijuka, ka'u, karuraivi, hãrã japojy heta mbai kyrãva. Apyrỹmymandu'akajyhe haimapeva rãĩmi, kyrã'ia icheãpokui Tũpa ẽvãpe.

Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

Shara tyrete potava ñymbyvaishohe Espiritu Santo, hareka Espiritu Santo potava ñymbyvaishohe tyrete potava. Kova mbai mokue'õre ñymbyvaisho ijehe pijapomba verã pee pipotava.

Moisés mbypara vekua opaite ẽẽ penteapeĩ: “Haihu ndapisha nde rijyhaihuva rãĩmi”.

Avy jairoja ñandijehe, avy ñañymbyposhyka hareka avy jaipota ñandapisha ña'ãpova.

Ãñete rãnga Jesucristo poiika ñandyhevi jokueareire vekuaivi! Hãme rãnga piñymypyrãta mahẽ hykuaĩ ikojy pyhevikui jokueareirea Moisés mbypara vekuapy.