Versete biblice populare din Tiaco 5

Împărtășește

Nezape Deocca tonanomie touini tiquenezape ticcadeni uimasiri timecotedeniza tecomeremanarri. Poccadeni naqui tiadeniza ecomeremananiuarrine. Tocanomireuiuarrine timecotedenitoui Deoza uati uati tiquenarri. Pouadeni naco titouideni Deoza uati uati toquenauiuarrine. Madirra bica tarrari Deoza uatide damera tazapa pocca uatinarra dacorehe carrirrari.

Toponi bodi ocasserani auauipa? Narraripa Deoza uati uati. Toponi bodi uatizeuipa? Narraripa Deoza rriri rriri nana.

Bodideni: —Parrissa Deopa parrireui −quenaza coma tarrari tonomiuiuarrine Deoza uati uati toquenazapa tonomi taui. Arra coma tarrari uimasiri inanaporraroza naco Deopa pocca uimasiriza: —Peperri, ouati rrimani −nauitoui.

Toponi coma tauipa? Naza Zeso Cristoza rrehe quenarrarideni cacauadedeni uaua tarronabaqquirro. Rrauirronazapa coma tarrari tatiza oqui sse quenaza tonomiuiuarrine Deoza uati uati toquenana, ia Zozossede Zeso onima.

Nazama tiadenipe nauatoto tinarri: Madirra uimasiriza ccarizazapa zoqquehe rriquerreraniuarri torrauiuarrineraha pocca uimasiri nebouiuarrine acco ticanemanaza Deoza torrazapa tinassiuauemanarrari. Deo naco pocca uimasiriza: —Peperri, ouati rrimani −nauitoui.