Versete biblice populare din Vagalatia 5

Împărtășește

Kyaindi ndunda ta Mumuyo ni ukundi, ifura, urilalyi, usisiryo, unndu usha, ilyillya, usaari, ufoo, mwiiyanu, na veetana efyo uvavaso llutiri kyeetana-fo.

Naasany mmbo shaamba, endeny mweendo wany mwiiteterwaa Mmumuyo, nta mulashiinutyaa lango eto ta mwiili.

Kwakooya lukee na Mumuyo, lweende lwiiteterwaa Mmumuyo

Na yewo va Kristo Yesu mmbo valemmaa ikapya miili yaawo nsalabeny veisandye-u na makusaro awo maravi na lango yeto sheesi toose.

Kyasiany mashora a mwiili nng'u yaa nang'u mmbo amanyikye paa, ni fya urui, ukirinda, uravi. Iindya maruva a wongo, usavi, ukiduva, myaandu, itira iriso, irooyo nngoo, uriingyi, iraukana, kyama kikasha. Isuvana, unangwa, italauwa ndeu, na findo fivakye efyo. Kya findo fya ngata yeyo mmbo shasongwa imuvia, shaasa llya shilemmaa imuvia, sheelyi vandu veetana findo fya ngata yeyo mbashewonaa ding'u ya umangyi lwa Iruva-fo.

Mashika le nyira, vanavama, mmbo mulevaangwa naambo muve valeke, lyo uleke lwany nshi yelo lweelatya mbony ta mwiili-fo, llweetaramana kya ikunda.

Mashika to mwiili mmbo utiri lango wikapanaa na Mumuyo, na Mumuyo ukakapana na mwiili; mashika efi fivii mmbo fivikyani kiduva kutani mwalemwa imanya kyeetana.

Mashika uvavaso loose mmbo lwainutywa yaa irerony elyi lyimwi nsi, lyeyaamba, “Kunda nndu ungyi shaasa kukukundye kumuni.”

Nta lulave vekuninga nnduma luveni, lwitanaa fya kitatarwa neetiryana finying'u luveni na veni.

Kristo mmbo aleluvika valeke, kwa ekyo salaleny, nta mulasheereiywa muvikwa ushingeny-fo.