Versete biblice populare din Wurɔmiyé 5

Împărtășește

Nɛ̀ sí ki taa Kulocɛliɛ wi 'ki tìɛ weli nɛ̄ mɛni weli woli ni 'kpúʔɔ wire mɛ́ wè: ki 'nyaa bà weli 'puu nɛ tíin kapiigbiʔilile bèle, a Kirisi wi 'kùu weli kɛnmɛ nɛ̄.

Sɔ̀ngirɔ taʔadiʔɛ ki wè siɛn fáanniʔ. Nɛ̀ taʔa gíi nɛ̄, Kulocɛliɛ wi 'wi dɛ́nigɛ le gè nìʔɛgɛ weli funyɔ nī yè wi Pìle ni fànʔa nɛ̄ gè, Pìle náà wi 'kɛn weli mɛ́ lè.

Bè fàri kire nɛ̄ gè, weli nɛ fundaanra kpínʔini weli wuʔɔyɔ yi kiyɛ nī yè, nɛ̀ taʔa gíi nɛ̄, weli 'ki cɛ́n wuʔɔgɔ kiī nɛ kpàricogo kanʔa siɛn mɛ́. Kpàricogo kiī nɛ báan nɛ́ lèbaanna ní, lèbaanna ni nɛ̂ sí sɔ̀ngirɔ taʔadiʔɛ kɛn siɛn mɛ́.

Kire sí gī, bɛ̀ weli 'kò sínminɛ Kulocɛliɛ yiʔɛ mɛ́ gè tɛ́ngɛlɛ fànʔa nɛ̄ gè, weli yē yanyige nɛ̄ nɛ́ Kulocɛliɛ ní wè weli Kàfɔli Zezi Kirisi wire nyúmɔ nī bè. Wire nyúmɔ nī bè nɛ́ tɛ́ngɛlɛ kɛnmɛ bè, weli 'Kulocɛliɛ kpuʔɔrɔ taa dè. Nɛ̀ pínɛ weli nɛ fundaanra kpínʔini nɛ̀ taʔa gíi nɛ̄, sɔ̀ngirɔ taʔadiʔɛ yē weli mɛ́, weli bága Kulocɛliɛ wi kpuɔmɔ nyaa bè.

Ki 'nyaa bà weli 'puu nɛ tíin ŋɔri fùn wè, a ki 'nyaa lɛ̀lɛ níì Kulocɛliɛ wi cé tìɛ lè, a Kirisi wi 'kùu bàli pe wè fìʔɛ́ Kulocɛliɛ nɛ̄ wèʔ peli kɛnmɛ nɛ̄.

Bè ní cɛ tàa taʔa tire nɛ̄ dè, wi 'weli pàli nìʔɛnɛ kpíʔile a weli 'kò siɛnsinminɛ píra ŋáà nī wè wi sìsiɛn fànʔa nɛ̄ gè, bà sí wi bága weli suɔ Kulocɛliɛ fundanʔanigɛ mɛ́ gè.

Bɛ̀ ki 'nyaa siɛn nigbe sìnluʔumɔ pi 'kpíʔile kaala a siɛnniʔɛnɛ 'kò kapiigbiʔilile bèle, bà míɛni siɛn nigbe ŋáà wi 'yéri nɛ̀ lúʔu wè, wire kɛnmɛ nɛ̄ bè Kulocɛliɛ wi bága siɛnniʔɛnɛ tɔ́ri siɛnsinminɛ.

Bè ní fàri kire nɛ̄ gè, weli nɛ fundaanra kpínʔini bɛ̀ weli yē Kulocɛliɛ wuulo bèle weli Kàfɔli Zezi Kirisi nyúmɔ nī bè. Wire wi 'weli juu nɛ̀ taʔala píra ŋáà nī wè weli nɛ́ Kulocɛliɛ ní wè.