Versete biblice populare din Varoma 5

Împărtășește

Aholu, Nungungulu a hi yeyedzide gueta nya lihaladzo laye ga ethu, khu gu Kristo a hi fela ethu na hiri sighohi.

Gitumbo gegi kha gi hi phazamisi kholu Nungungulu tadzide myonyo yathu khu lihaladzo laye khu tshivba nya Liphuvbo nya Guage, a gu giningwa hi ningidwego khu Nungungulu.

Kha hi nengeli basi khesi, ha gu dzi zundza gambe khu kotani nya gusaniseke gwathu, kholu hi ngu dziti nya gukhethu gusaniseka khugo gu girago gutimisela: Gutimisela gu ninga gutiya musilingoni; gutiya gu ninga gitumbo.

Na hi wonidwe kharati, kha nga vathu nya gululame, khu kotani nya gukhodwe gwathu, ethu hi ngu vbanya khu gurula ni Nungungulu khu gwa Jesu Kristo, Pfhumu yathu. Khavbo ga Kristo, ethu nethu hi manide gukatega khu kotani nya gukhodwe gwathu. Khuwo wuhigo wowu hi vbanyago khuwo na hi tiyide ni gu dzi zundza khuwo, na hi gu lirela khu gunengela ni gitumbo gu wona wudhumo wa Nungungulu.

Kholu, gikhati hi nga bani hiri mwalo tshivba, na gi vbohide gikhati gyaye, Kristo a difa khu kotani gwathu ethu sighohi.

Ngudzungudzu olu hi agisidwego khu novba wa Kristo, hi na vbulugiswa khuwo sisanisoni nya likhulo la Nungungulu.

Khu guyeyisa ga muthu moyo basi, vathu vatshavbo va khade sighohi, khu gu yingela ga muthu moyo basi, vatshavbo va khade va nya gululama.

Gambe khandri iso basi. Ethu hi na ni gunengela nya gukhongolo ngudzu mbeli gwa Nungungulu khu kota ya Jesu Kristo, a gu uye hi manago khuye gutshangana ni Nungungulu.