Versete biblice populare din O GALATIA 5

Împărtășește

I idulu yaino, nako o nyawa yätuda-tuda ma Jou Madutu ai Womaha, mahasili genangala: Onanga imäkodora, önanga yogarago, önanga manga hininga irïdi, önanga yosabari deʼ manga hininga ihailoa, önanga yaoa o nyawa mahomoaika, önanga yosetia, önanga manga hininga itipokouku, deʼ salalu yakunu yakuaha manga diri. Koiwa naga o agama matita yöduhunu o hali-hali hokä hoko gënanga.

Ngohi ahi dungutu hoko nena: Mal̄aikala ma Jou Madutu ai Womaha inï tuda ngini deʼ uhali niwango imoteke o nyawa nanga biaha manahihu.

Ma Jou Madutu ai Womaha inahi döakoka ngoneino o wowango mahungi; mangale hababu gënanga enangö kokiani yakuaha nanga wowango.

Hagala o nyawa yodädadioka to Kristus Yesus, o nyawa geönanga yahohonengoka o nyawa mabiaha de hagala o hininga i totorou deʼ toëna manahihu.

O nyawa nanga biaha manahihu inyata o manarama isösafarune magoronaka, ipese-peseke, deʼ ipatutua; o gomanga yahuba-huba magoronaka, o guna-guna; imateke höhaturü magoronaka, imakoka ngamo, imaka ngakua, itaiti yätohata, deʼ ihi akunu manga diri mahirete; o gitingaka, de imakokafara, o hininga imä kogogono, kayä dalu-dalukika, kayo rame-rame deʼ mangöeohi mahomoa. Gënanga dau honangika mata-mata öraha nanga ngohi tinihi döaka o hohininga nginika hoka sarakia mahiraö ngohi tinihidöaka o hohininga nginika, hagala o nyawa yododiai o hali-hali hokä hoko gënanga aha yodadiua o gegëtongo ma Jou Madutu ai umati.

Riadodoto ngona ini ahokoka la nodadi o nyawa yololapahi. Mä uhali nia päke nia lapahi madodagi gënanga la kahoko genangika niadiai okia dika ngini nionö nahihu niadiai. Iidulu yaino, ngini kokiani nimakodora deʼ nima teke leleani.

Hababu o nyawa nanga nahihu ima roributu de ma Jou Madutu ai Womaha mangigo, deʼ ma Jou Madutu ai Womaha mangigo ima roributu de o nyawa nanga nahihu. Hinotö ima roributu, hiädono ngini niakunua niadiai okia ngini nio igo-igo.

Mata-mata o agama matita yatipokoino o tita moi nënanga magoronaka, ”Kokiani ngona nädora ani dodiawo o nyawa hokä ngona nödora ani diri mahirete.”

Yakunua ngone hodadi nanga hininga ikurutil̄e, deʼ manga hininga hahiri, de o hininga homako gogono moi de moi.

Ngone öraha nanga holapahi, hababu o Kristus wona hilapahioka ngone! Hababu gënanga nia sosö nialolapahi, deʼ uha nimau inï gilaongoli.