Versete biblice populare din Joxuwa 1

Împărtășește

Ina kha na kugela ani kani? Tsana uva ni mtamo; u nga xamale, kambe u nga thave, nguko MKOMA, Txizimu txako, a ni nawe, ni hani mu uyako kona.”

Dibhuku diya da mlayo u nga thuke u txi hambana nado; aniko zumba u txi di alakanya wusiku ni mitshikari, kasi ku u txi khutalela kuxayisa totshe ti ti nga bhalwa ka dona, nguko di kumaha u humelela ka totshe tinzila tako, se u tsimbila kha kwati.

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Wotshe wukhalo wu mikondo yanu yi no kanda, ani ni mi ningile, nga kule ni nga womba ka Mosi.

“Mosi, txithumi txangu, a fite; konkuwa, khukha koko, txhatuka mnambo wa Jordhani, awe ni votshe vathu vava, mi txi ya ka ditiko di ni ningako vanana va ka Israyeli.

Se ku to maheka to msana ka kufa ka Mosi, txithumi txa MKOMA, MKOMA a wombile ka Joxuwa, mwana Nune, txithumi txa Mosi, a txi khene

Kukhukhela txiwulani ni Libhanoni, kala ka mnambo wa hombe, i ku mnambo wa Ewufrate, dotshe ditiko da Vaheti, kala ka Linene la hombe, mswa-ditambo, dotshe di na mi lumba.

Ni wihi m'thu wu a no kaneta sileleto sako, asi engisi mapswi ako ka totshe ti u no mruma, a na dawa; aniko tsana dwe, uva ni mtamo.

Pindani ngu hagari ka wugovelo, mi txi leleta vathu mi txi khanu: Ti longiseleni timbuva, nguko msana ka masiku mararu, mi na txhatuka mnambo wuwa wa Jordhani, kasi kuya teka ditiko di MKOMA, Txizimu txanu, a mi ningako, di txi maha danu.