Versete biblice populare din Ekeliziasiti 5

Împărtășește

Mu lopu tuturei zama nia sa ṉuzumu, lopu bebeno zama ni sapu pa bulomu pude va tatara pa kenuna sa Tamasa. Ura sa Tamasa si pa maṉauru, meke agoi si pa pepeso ke va pada i sari mua zinama pa kenuna Sa.

Ura, pana ponia tinagotago sa Tamasa si keke tie, meke va boka ia Sa pude qetu ni sari nana vinagi pa tinavete, si leana pude va egoa sa sa nana hinia, meke tavetavete qetuqetu si asa pa nana tinavete. Ura arini mo sari na vinariponi te Tamasa.

Asa pu tataru nia sa poata si lopu qetu nia gua sapu gavoro va soku si asa; asa pu okoro hiva tagotago si lopu boka qetuni sapu ele tagoi sa. Hie tugo si loke laena.

Mu kopu pule nigo totoso la si agoi pa Zelepade te Tamasa. Leana pude mu tata la pude va avoso meke va tabe, hola nia si be vukivukihi gua tadi tie pekipeki. Lopu gilania rini sapu tavete va sea si arini.

Pana zama va tokotokoro goi koe Tamasa, si mu tuturei va gorevura ia. Tamasa lopu qetu ni sari tie pekipeki; va gorevura ia sapu tokotokoro nia agoi.

Leana hola si be lopu va tokotokoro, hola nia si pude tokotokoro meke lopu tava gorevura.

Sa pinuta tanisa tie tavetavete si lomoso hola, lopu kiluna be hena va soku si asa ba vasinahite mo, ba sa tago va soku tanisa tie tagotago, si lopu boka puta va leana nia sa.

Dodohona sa koburu totoso vura si asa pa tiana sa tinana; mae gua asa si asa, ke mani pule gua tugo asa. Loketoṉa koasa nana minabo sapu ele vagia sa si kote boka paleke taloa nia sa pa limana.