Versete biblice populare din Jemes 5

Împărtășește

Huo kaik, i tahut bia muat na hapuasne hargilasane ira numuat sakana magingin. Ma na tahut bia muat na sasaring hargilaas uta muat bia muat na langalanga sukun ira numuat minaset. No pinapalim tano sinasaring ta tiga ut na takodas i manga dadas.

Ing bia tikai nalamin ta muat i kilingane ra tirtirih, i tahut bia na sasaring. Ing bia tikai i kanakana, i bilai bia na inge na pirharlat tupas God.

Diet na sasaring ma ra nurnuruan. Ma kaiken ra mangana sinasaring na halon no ina minaset. No Watong na halangalanga ie, kaik naga tut sukun no uno suuh. Ma ing bia auno ta sakana magingin mah kana, God na lik luban se.

Ma ing bia tikai i manga maset, i tahut bia na tatau uta ira kabinsit na lotu waing diet naga sasaring wara gaiena. Ma ing diet saasaring diet na salaap ie ma ra wel ma no dadas tano hinsana no Watong.

Bar hinsakagu ta Krais, ing bia tikai nalamin ta muat i tamapas sukun no takodasuana ngaas tano uno nilon, ma tikai i lamus pukus ie, na tahut bia na lilik ta iakan: sige tikai i lamus pukus tiga ut na sakena sukun no uno sakana ngaas i halon ie sukun no minaat. Ma na tagure no ngaas huo bia God naga tale wara sungsuge se kaike ra haleng na magingin sakena.