Revelation 20
20
1ထို့နောက် နတ်ဒေဝါတစ်ပါးသည် တွင်းနက်ကြီး၏ သော့ကိုလည်းကောင်း သံကြိုးကြီးကိုလည်းကောင်း ကိုင်ဆောင်လျှက် ရွှေမြို့တော်မှဆင်းလာသည်ကို ငါမြင်၏။ 2သူသည် ရှေးမြွေနဂါးကြီးကိုဖမ်းဆီးပြီးလျှင် သံကြိုးဖြင့် အနှစ်တစ်ထောင်ချည်နှောင်၍ထား၏။ ထိုနဂါးသည် မကောင်းဆိုးဝါးတို့၏ဘုရင် မာရ်နတ်ပင်ဖြစ်၏။ 3နှစ်ပေါင်းတစ်ထောင်ကုန်ဆုံးသည်အထိ လူမျိုးများစွာကို ထပ်မံ၍ ဖြားယောင်းသွေးဆောင်ခြင်း မပြုနိုင်တော်ရန် သူ့ကို တွင်းနက်ကြီးထဲသို့ပစ်ချ၍ ပိတ်လှောင်ကာ တံဆိပ်ခတ်လေ၏။ နှစ်ပေါင်းတစ်ထောင် ကုန်ဆုံးချိန်တွင် သူ့ကိုခေတ္တမျှ လွှတ်ထားရမည်။ 4ထို့နောက် ပလ္လင်များနှင့် ပလ္လင်များပေါ်တွင် ထိုင်နေသောသူတို့ကို ကျွန်ုပ်မြင်ရ၏။ ထိုသူတို့သည် တရားစီရင်ရန် အခွင့်အဏာ အပ်နှင်းခြင်းပေးအပ်ခံရသူများဖြစ်၏။ ကိုယ်တော်ယေရှုအကြောင်းကို သက်သေခံပြီး ဘုရားရှင်၏ နှုတ်ကပတ်တော်ကိုဟောပြောသောကြောင့် ခေါင်းဖြတ်ခံရသောသူတို့၏ ဝိဉာာဉ်များကိုလည်း ကျွန်ုပ်မြင်ရ၏။ သူတို့သည် သားရဲနှင့် ထိုသားရဲ၏ ရုပ်တုများကိုမကိုးကွယ်ကြ။ သူတို့၏ နဖူးနှင့် လက်များတွင် သားရဲ၏ အမှတ်အသားကိုလည်း မရေးမှတ်ကြ။ သူတို့သည် အသက်ပြန်ရှင်၍ ယေရှုခရစ်တော်နှင့်အတူ နှစ်ပေါင်းတစ်ထောင် အုပ်စိုးကြ၏။ 5ကျန်ရှိသော သေလွန်သူတို့သည် နှစ်ပေါင်းတစ်ထောင်ကုန်ဆုံးပြီးမှ အသက်ပြန်ရှင်ကြရ၏။ ဤသည်မှာ ပထမ ပြန်လည်ရှင်သန်ထမြောက်ခြင်းပင်ဖြစ်၏။ 6ပထမ ပြန်လည်ရှင်သန်ထမြောက်ခြင်းတွင်ပါဝင်သူများသည် မင်္ဂလာရှိပြီး မြင့်မြတ်ကြကာ ကောင်းချီးကြွယ်ဝစွာခံစားကြရ၏။ ဒုတိယသေခြင်းသည် သူတို့အပေါ်မသက်ရောက်နိုင်။ သူတို့သည် ဘုရားရှင်နှင့် ယေရှုခရစ်တော်၏ ပရောဟိတ်များဖြစ်ကြပြီး ခရစ်တော်နှင့်အတူ အနှစ်တစ်ထောင် အုပ်စိုးရလိမ့်မည်။ 7ထိုအနှစ်တစ်ထောင် ကုန်လွန်သွားသောအခါ မာရ်နတ်သည် အကျဉ်းကျရာမှ လွတ်မြောက်၍ 8သူသည် ကမ္ဘာ့အရပ်လေးမျက်နာ၌ရှိသော လူမျိုးများဖြစ်ကြသည့် ဂေါဂနှင့် မာဂေါဂတို့ကို ဖြားယောင်းသွေးဆောင်ရန်နှင့် စစ်ပွဲအတွက်စုစည်းရန် ထွက်သွားလိမ့်မည်။ သူတို့၏ အရေအတွက်သည် ပင်လယ်ကမ်းခြေရှိ သဲပွင့်ကဲ့သို့ပင် များပြားလှ၏။ 9သူတို့သည် ကမ္ဘာမြေတစ်ခွင်လုံးသို့ ချီတက်လာကြပြီး မြင့်မြတ်သောသူတို့၏ စခန်းနှင့် ဘုရားရှင်ချစ်တော်မူသော မြို့ကို ဝိုင်းထားကြ၏။ ထိုအခါ ရွှေမြို့တော်မှ မီးကျလာ၍ သူတို့ကို လောင်ကျွမ်း၏။ 10သူတို့ကို ဖြားယောင်းသွေးဆောင်သောမာရ်နတ်သည်လည်း သားရဲနှင့် ပရောဖက်အတုအယောင်တို့ ပစ်ချခံရသည့် ကန့်နှင့်လောင်သောမီးအိုင်ထဲသို့ ပစ်ချခံရ၏။ သူတို့သည် နေ့ညမပြတ် အစဉ်အမြဲညှဉ်းဆဲခြင်းကို ခံကြရလိမ့်မည်။ 11ထို့နောက် ရာဇပလ္လင်ဖြူကြီးကိုလည်းကောင်း ထိုပလ္လင်ပေါ်တွင်ထိုင်နေသော အရှင်ကိုလည်းကောင်း ကျွန်ုပ်မြင်ရ၏။ ကောင်းကင်နှင့် မြေကြီးတို့သည် ထိုအရှင်ရှေ့မှ ပျောက်ကွယ်သွား၍ သူတို့အတွက် နေရာမရှိတော့ပေ။ 12သေလွန်ပြီးသောသူ အကြီး အငယ်တို့သည် ရာဇပလ္လင်ရှေ့တော်၌ ရပ်နေကြသည်ကိုလည်းကောင်း စာစောင်များဖွင့်သည်ကိုလည်းကောင်း ကျွန်ုပ်မြင်ရ၏။ ထို့နောက် အသက်စာစောင်ဖြစ်သော အခြားစာစောင်ကိုလည်းဖွင့်ထား၏။ သေလွန်ပြီးသောသူတို့သည် စာစောာင်ထဲတွင် မှတ်တမ်းတင်ထားသည့်အတိုင်း မိမိတို့ အကျင့်နှင့်အညီ တရားစီရင်ခံရ၏။ 13ပင်လယ်ကြီးသည်လည်း မိမိ၌ရှိသည့် သေလွန်ပြီးသောသူတို့ကို ပေးအပ်ကာ ဘုရားရှင်ရှေ့တော်သို့ ရောက်လာကြ၏။ အရပ်ရပ်တွင်ရှိသော သေလွန်ပြီးသောသူတို့သည် မိမိတို့၏ အပြစ်တရားအလျောက် တရားစီရင်ခြင်းကို ခံကြရ၏။ 14ထို့နောက် သေခြင်းနှင့် မရဏနိုင်ငံသည် မီးအိုင်ထဲသို့ပစ်ချခံခဲ့ရ၏။ မီးအိုင်သည် ဒုတိယသေခြင်းဖြစ်၏။ 15အသက်စာစောင်တွင် အမည်ရေးမှတ်ထားခြင်းမရှိသောသူတို့သည်လည်း မီးအိုင်ထဲသို့ပစ်ချခြင်းခံရလေ၏။
Obecnie wybrane:
Revelation 20: TPV-RV
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
