Revelation 21
21
1ထို့နောက် ကောင်းကင်အသစ်နှင့် ကမ္ဘာမြေကြီးအသစ်ကို ကျွန်ုပ်မြင်ရ၏။ ပထမကောင်းကင်နှင့် ပထမကမ္ဘာမြေကြီးသည် ပျောက်ကွယ်သွား၍ ပင်လယ်သည်လည်းမရှိတော့ပေ။ 2မြင့်မြတ်သောမြို့တော်ဖြစ်သော ဂျေရုဆလင်မြို့သစ်သည် သတို့သားအတွက် လှပစွာဆင်မြန်းထားသော သတို့သမီးတစ်ဦးကဲ့သို့ ဘုရားရှင်ဖန်ဆင်ထားတော်မူသည်ကို ကျွန်ုပ်မြင်တွေ့ရ၏။ 3ထို့နောက် ရာဇပလ္လင်တော်မှ ကျယ်လောင်သောအသံကို ကျွန်ုပ်ကြားရ၏။ ထိုအသံမှာ “ကြည့်လော့။ ဘုရားရှင်စံမြန်းရာနေရာသည် လူတို့တွင်ရှိ၍ သူတို့နှင့်အတူ စံမြန်းတော်မူမည်။ သူတို့သည် ဘုရားရှင်၏လူများဖြစ်ကြပြီး ဘုရားရှင်ကိုယ်တိုင် သူတို့နှင့်အတူရှိနေ၍ သူတို့၏ ဘုရားရှင်ဖြစ်တော်မူလိမ့်မည်။ 4ကိုယ်တော်သည် သူတို့၏မျက်လုံမှ ရှိသမျှမျက်ရည်တို့ကို သုတ်တော်မူမည်။ နောက်တစ်ဖန် သေခြင်း၊ ဝမ်းနည်းပူဆွေးခြင်း၊ နာကျခြင်းနှင့် ငိုကြွေးခြင်းတို့သည် ရှိတော့မည်မဟုတ်။ ရှေးယခင်က ဖြစ်ပျက်ခဲ့သောအရာတို့သည် ကွယ်ပျောက်သွားကြပြီ” ဟု၍ဖြစ်၏။ 5ရာဇပလ္လင်ပေါ်၌ ထိုင်တော်မူသောအရှင်က “ငါသည် ယခုအခါ၍ ရှိသမျှသောအရာတို့ကို အသစ်ဖန်ဆင်းပြီ” ဟုမိန့်တော်မူပြီးနောက် “ဤစကားတို့သည် သစ္စာစကား၊ မှန်သောစကားဖြစ်သောကြောင့် ရေးမှတ်ထားလော့” ဟူ၍လည်း မိန့်တော်မူ၏။ 6ကိုယ်တော်က “အမှုပြီးပြီ။ ငါသည် ပထမဆုံးနှင့် နောက်ဆုံ၊ အစနှင့်အဆုံးဖြစ်၏။ ရေငတ်သောသူတို့အား အသက်စမ်းရေကို အဖိုးအခမပေးရဘဲ အခမဲ့ငါပေးမည်။ 7အောင်မြင်သောသူတို့သည် ငါ၏ကတိတော်အတိုင်း ဤအရာများကို အမွေခံရလိမ့်မည်။ ငါသည် သူ၏ဘုရားရှင်ဖြစ်မည်။ သူတို့သည် ငါ၏သားသမီးများဖြစ်ကြလိမ့်မည်။ 8သို့သော် ကြောက်တတ်သူများ၊ ယုံကြည်ခြင်းမရှိသူများ၊ စက်ဆုပ်ရွံရှာဖွယ်ကောင်းသူများ၊ လူ့အသက်သတ်သောသူများ၊ တရားနှင့်မညီသော ကာမဂုဏ်ကိုခံစားသူများ၊ ပြုစားတတ်သူများ၊ ရုပ်တုဆင်းတုကိုးကွယ်သူများနှင့် လိမ်လည်သူများအားလုံးတို့သည် ကန့်နှင့်လောင်သော မီးအိုင်ထဲသို့ပစ်ချခြင်းခံကြရမည်။ မီအိုင်သည် ဒုတိယသေခြင်းဖြစ်၏” ဟုမိန့်တော်မူ၏။ 9ထို့နောက် နောက်ဆုံးသောဘေဒဏ် ခုနစ်ပါးနှင့်ပြည့်နေသော ဖလားခုနစ်လုံးကို ကိုင်ဆောင်ထားသည့် နတ်ဒေဝါခုနစ်ပါးအနက် တစ်ပါသည်လာ၍ “လာလော့ သိုးသငယ်၏ သတို့သမီးဖြစ်သူကိုငါပြမည်” ဟု ကျွန်ုပ်အားဆို၏။ 10ကျွန်ုပ်အပေါ် ဉာဏ်အလင်းတော်သက်ရောက်လာသဖြင့် နတ်ဒေဝါသည် ကျွန်ုပ်ကို ကြီးမာ၍ မြင့်မားသောတောင်ထိတ်သို့ ခေါ်ဆောင်သွားကာ ဘုရားရှင်ထံ ရွှေမြို့တော်မှ ဆင်းသက်သည် မြင့်မြတ်သောမြို့တော် ဂျေရုဆလင်မြို့ကို ကျွန်ုပ်အားပြ၏။ 11ထိုမြို့သည် ဘုရားရှင်၏ ဘုန်းတန်ခိုးတော်နှင့် ထွန်းတောက်ပြီး ၎င်း၏ထွန်းလင်းတောက်ပမှုသည် ကျောက်သလင်းကဲ့သို့ ကြည်လင်သည့် နဂါးသွဲ့ကျောက်မျက်ရတနာကဲ့သို့ အရောင်အဝါတောက်ပနေ၏။ 12ထိုမြို့တွင် ကြီးမာ၍ မြင့်မားသောမြို့ရိုးရှိပြီး တံခါးဆယ့်နှစ်ပေါက်ပါ၏။ တံခါးဝတို့တွင် နတ်ဒေဝါဆယ့်နှစ်ပါးရှိပြီး တံခါးအသီးသီးပေါ်တွင် အစ္စရေးမျိုးနွယ်စုဆယ့်နှစ်ခုတို့၏အမည်များကို ထိုတံခါး၌ ရေးသားထားလျှက်ရှိ၏။ 13အရှေ့ဘက်တွင် တံခါးသုံးပေါက်၊ မြောက်ဘက်တွင် သုံးပေါက်၊ တောင်ဘက်တွင် သုံးပေါက်၊ အနောက်ဘက်တွင် တံခါးသုံးပေါက်ပါရှိ၏။ 14မြို့ရိုးသည် အုပ်မြစ်ဆယ့်နှစ်ခုရှိ၍ ၎င်းတို့အသီးသီးပေါ်တွင် သိုးသငယ်၏ နတ်ဒေဝါဆယ့်နှစ်ပါးတို့၏ အမည်အသီးသီးကို ရေးထား၏။ 15ကျွန်ုပ်နှင့် စကားပြောသော နတ်ဒေဝါသည် ထိုမြို့၊ မြို့တံခါးနှင့် မြို့ရိုးတို့ကို တိုင်းထွာရန် ရွှေကျူရိုးကို ကိုင်ဆောင်ထား၏။ 16မြို့သည် စတုရန်းပုံသဏ္ဍာန်ရှိ၍ အလျားနှင့်အနံသည် တူညီ၏။ ထိုနတ်ဒေဝါသည် မြို့ကို ရွှေကျူရိုးဖြင့် တိုင်းထွာရာ အလျား၊ အနံနှင့် အမြင့်တို့မှာ မိုင်တစ်ထောင့်လေးရာခန့် အသီးသီးကျယ်ဝန်းသည်ကို တွေ့ရ၏။ 17နတ်ဒေဝါသည် လူတို၏အတိုင်းအတာဖြင့်မြို့ရိုးကိုတိုင်းတာရာ အမြင့်နှစ်ရာ့တစ်ဆယ့်ခြောက်ပေရှိ၏။ 18မြို့ရိုးကို နဂါးသွဲ့ကျောက်ဖြင့်တည်ဆောက်ထား၏။ မြို့တော်မှာ ဖန်ကဲ့သို့ သန့်စင်ထားသော ရွှေစင်ဖြင့်တည်သောမြို့ဖြစ်၏။ 19မြို့ရိုးအုပ်မြစ်များကို ကျောက်မျက်ရတနာ အမျိုးမျိုးဖြင့်အလှဆင်ထား၏။ ပထမအုတ်မြစ်မှာ နဂါးသွဲ့၊ ဒုတိယအုပ်မြစ်မှာ နီလာ၊ တတိယအုပ်မြစ်မှာ မဟူရာ၊ စတ္တုထအုပ်မြစ်မှာ မြ၊ 20ပဉ္စမအုပ်မြစ်မှာ ကြောင်၊ ဆဠမအုပ်မြစ်မှာ ပတ္တမြား၊ သတ္တမအုပ်မြစ်မှာ သလင်းဝါ၊ အဠမအုပ်မြစ်မှာ မျက်ရွဲ၊ နဝမအုပ်မြစ်မှာ ဥဿဖရား၊ ဒသမအုပ်မြစ်မှာ မြဟူရာစိမ်း၊ ဧကဒသမ အုပ်မြစ်မှာ နီလာရင့်ရောကျောက်နှင့် ဒွာဒသမအုပ်မြစ်မှာ နီလာခရမ်းဖြစ်၏။ 21မြို့တံခါးတစ်ခုစီကို ပုလဲတစ်လုံးစီဖြင့် ပြုလုပ်ထား၍ တံခါးဆယ့်နှစ်ပေါက်တွင် ပုလဲဆယ့်နှစ်လုံးရှိ၏။ မြို့တော်၏ လမ်းမကြီးကို ဖေါက်ထွင်းမြင်ရသည့်ဖန်ကဲ့သို့ သန့်စင်သောရွှေဖြင့် ပြုလုပ်ထား၏။ 22မြို့ထဲ၌ဗိမာန်တော်ကို အကျွန်ုပ်မမြင်ရ။ အဘယ်ကြောင့်ဆိုသော် အနန္တတန်ခိုးရှင် ဘုရားရှင်နှင့် သိုးသငယ်တော်သည် မြို့၏ဗိမာန်ဖြစ်တော်မူသောကြောင့်ဖြစ်၏။ 23ဘုရားရှင်၏ ဘုန်းအသရေတော်သည် အလင်းပေးတော်မူ၍ သိုးသငယ်တော်သည် ထိုမြို့၏ဆီမီးသဖွယ်ဖြစ်သောကြောင့် မြို့သည် နေနှင့်လ၏အလင်းရောင်ကိုမလိုအပ်ပေ။ 24လူမျိုးအပေါင်းတို့သည် ထိုမြို့၏အလင်းကို အမှီပြု၍ သွာလာကြလိမ့်မည်။ ကမ္ဘာလောကရှိ ရှင်ဘုရင်တို့သည် မိမိတို့၏ ဘုန်းအသရေကို ထိုမြို့ထဲသို့ ယူဆောင်လာကြလိမ့်မည်။ 25မြို့တံခါးများကို တစ်နေ့လုံးဖွင့်ထားလိမ့်မည်။ အဘယ်ကြောင့်ဆိုသော် ထိုမြို့တွင် ညဟူ၍မရှိသောကြောင့်ပင်ဖြစ်၏။ 26လူမျိုးအပေါင်းတို့သည် မိမိတို့၏ ဘုန်းအသရေနှင့် ဂုဏ်အသရေကို ထိုမြို့ထဲသို့ ယူဆောင်လာကြလိမ့်မည်။ 27မည်သည့် ညစ်ညမ်းသောအရာမျှ ထိုမြို့ထဲသို့ဝင်ရလိမ့်မည်မဟုတ်။ စက်ဆုပ်ရွံရှာဖွယ်အမှုကိုပြုသူနှင့် လိမ်လည်သူသည်လည်း ဝင်ရလိမ့်မည်မဟုတ်။ သိုးသငယ်တော်၏ အသက်စာစောင်တွင် စာရင်းဝင်သောသူတို့သာလျှင် ဝင်ရကြလိမ့်မည်။
Obecnie wybrane:
Revelation 21: TPV-RV
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
