Zakh. 5
5
Itcotmata sika enem: pagalaiat buko sipurutnakenen si tububurut
1Lelekngakekungannia minca, samba ia pei nene akuitco sara buko sipurutanakenen sitububurut ka pata. 2Malaika nenda masinounou apa kuiitco. Alegikungannia, “Sara buko sipurutnakenen sitububurut ka pata. Nantania rua pulu eto samba lionia pulu eto.” 3Lepa kuanangan ka tubuku, “Ka bagat buko sipurutnakenen nenda tusurat pateleiat ka sangalio tobbou laggai nene. Ka elau siboiki tusurat senen sipananangkou tubebelaake le geti ka tobbou laggai nene. Samba ka elaunia bagei tusurat senen sirimanua sipususuppa ta sibulatnia tubebelaake leu et. 4Si Tuhan Sipulugege masikua, pateleijat nenda tuorakngake le geti ka lalepdra senen sipananangkou samba ka lalepdra senen sirimanua sipususuppa ta sibulatnia. Sangamberi lalep nenda riuriu le iorak pateleijat nenda teret katai.”
Itcotmata sika pitu: pagalaiat sinanalep ka bagat karakjak
5Tulotcitnangan minca Malaika nenda samba masikua, “Itco! Ai pei le minca siooi!” 6Lepa rere'kungannia, “Aponia nenda?” Aleginangannia, “Sara karakjak. Iate te nenda tularat jo sibara ka sangalio tobbou laggai nene.”
7Karakjak nenda takkenia tima. Ai kulelekngake, takke nenda tuakkatnangan samba makoinongnangan kabagat karakjak nenda ai muundet sara sinanalep.
8Kuanangan Malaika nenda, “Sinanalep nene iate masitularatnake pukakatai.” Lepa geti neineiakenangan sinanalep nenda ipukuddu minca ka bagat karakjak samba takkeakenangan karakjak nenda. 9Teilakungan ka pata samba itcokungan rua sinanalep sitububurut ka ipoku. Ai kappora simaron kele kappot seggu. Alarangan karakjak siitcoku nenda, iageti ambitrangannia ratuburut.
10Rere'kungan Malaika nenda, “Kaipa le raambit karakjak nenda?”
11Aleginangan, “Ka Babilonia, sedda ragalai le geti umania. Kebai alepaan uma nenda, galakakerangan karakjak sedda ibailiunia nenda buluijietdra.”
Obecnie wybrane:
Zakh. 5: MWV
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@LAI 2015