Zakh. 6
6
Itcotmata sika balu: pagalaiat epat kereta pasaggak
1Bara minca itcotmataku bagei. Ka itcotmataku nene itcokungan ibela epat kereta pasaggak ka oggak rua leleu tembaga. 2#Pamoil. 6:4-5 Sangamberi kereta nenda giritnangannia rua ngamuneng kuro siparara'ra' siboiki rua kuro simabonan, sikarua kuro simapusu, 3#Pamoil. 6:2 sika telu rua kuro simabulau samba sika epatnia rua kuro simagurik. 4Rere'kungan Malaika nenda, “Tuan, apa katukolobatnia sangamberi kereta pasaggak nene?” 5#Pamoil. 7:1 Aleginangannia, “Sia te nene siei ka epat ailiakenen lepat aramattai si Tuhan sibakkat manua samba polak. 6Kereta pasaggak girinen kuro simapusu masiailiake Babilonia ka bare. Kuro simabulau masialiake ka sikaleleu samba kuro simagurik masiailiake ka kaiaman.” 7Ka teteret aibela kuro simagurik nenda, makoinong ta'an raomake raei masilelekngake polak. Kuanangan Malaika nenda, “Kenan kam, masilelekngake polak!” lepa eirangan leu et. 8Lepa geti pusoganangan Malaika nenda ka tubuku, “Kuro sieei ka Babilonia nenda masipalebak golut Tuhan.”
Parentat Tuhan bule tukau kirit pulatsanan kai Josua
9Si Tuhan masiake patonekat nene ka tubuku. 10Kuanangan, “Ala' kam panguruat siaket Heldai, Tobia samba Jedaya, sia te simaruei toili peile sibara ka kudduat katuribbaiatdra ka Babilonia. Ambit kam simaola panguruatdra nenda ka lalep Josia, togat Zefanya. 11Mas samba perak siake'ra nenda, galai kam sara kirit samba kiritnakemuian ka utet Imam Sabeu Josua, togat Jozadak. 12#Jer. 23:5, 33:15; Zakh. 3:8 Segeake kam ka tubunia, Aku Tuhan Sipulugege poi masikua, “Sirimanua kuanenta Silibetat, simauktuk murimanua le nia geti ka kudduat kuddujietnia samba rioakenangan minca Uman Tuhan. 13Ia te geti masigalai umangKu samba silonangan pubebeunan kele sara rimata, samba parentaakenangan geti rakyatnia. Sara imam masipaaleinia geti samba pugalairangan geti simakere kabagat erut baga.” 14Kirit pulatcanan nenda tukoiriake le ka umangKu sibailiu pasirepdeman Heldai, Tobia, Jedaya samba Josia, togat Zepanya. 15Sangamberi sirimanua moi te geti sibara ka kudduat ka sareunan addeat masiropmake masigalai UmangKu. Ke alepaan itugalai nenda, agairangan geti, Aku Tuhan Sipulugege amasikoiniake ekeu katubutda. Sangamberinia nenda muaaili te geti kebai bulatnia rareddet sangamberi parentaKu, Tuhan Taikamanuandra.”
Obecnie wybrane:
Zakh. 6: MWV
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@LAI 2015