Zakh. 4
4
Itcotmata sika lima: pagalaiat reret alito
1Malaika sipaninibo katubukku nenda tulotcit minca samba masisuruake aku kele masisuruake sipeperep. 2Iageti nounounangan aku, “Aponia nuitco?” alegikungannia.
“Sara reret alito mas.” Ka rubeiat buttet alito ai kudduat tulania, samba ai pitu alito sigoiliknia, senen alito ai kudduat kapenia. 3#Pamoil. 11:4 Ka isit kai katsiu samba kai kattoet reret alito nenda ai rua loinat zaitun.”
4Lepa nounoukungan malaika nenda, “Aponia katukolobat sangamberi nene, Tuan?”
5Iageti aleginangan aku kaparerekat: “Ta pa nuagai?”
Alegikungannia, “Ta kuagai Tuan.” 6#Ezra 5:2Malaika nenda masikoiniake aku bule kusegeake patonekat Tuhan nene ka tubut Zerubabel, “Ta kalulut gegetdra saladdu samba ron tubum aibara puuktungannu, tapoi sibara ka paroman ka ketsatKu le. 7Pasailaat kele beunan leleu ka matam leu et turitsi te geti. Galainungan geti minca umangKu, samba kateteret nenda galakakenungan bukku sipuboiki ka kudduatnia, sangamberi sirimanua masisogaake geti, “Apa te lainge!”
8Lepa geti akenangan minca si Tuhan patonekatnia bagei ka tubuku. 9Kuanangan “Aigalakngakean bongen umangKu si Zerubabel, samba lepaakenangan leu te geti sangamberi pasigagalai UmangKu. Ke' alepaan pasigagalai UmangKu nenda, seseakerangan geti paamianKu Aku te sipasikoiniake ekeu Zakharia ka talagadra.
10 #
Pamoil. 5:6
Aipoi kasei sipuarak gogoi sipuaaili sigoiso nene, muangka baga le sia geti masiitco bukku sipili ka Zerubabel.
Si pitu alito iate pitu matat Tuhan sipasiitcoake sangaliot polak.”
11 #
Pamoil. 11:4
Lepa nounoukungannia minca ka tubunia, “Apa katukolobat ruangaloina zaitun sikuddu kai kattoet samba kai katsiu reret alito nenda?” 12Ialeu et apa katukolabat rua rubat zaitun kabebet rua pipat mas sipasigugurukake tulat zaitun nenda?”
13Aleginangania, “Ta pa' nuagai?” Alegikungannia,
“Ta kuagai Tuan.”
14Ia leuet masikua, “Nenda iate rua sia sipilit Tuhan Taikamanua sibakkat manua samba polak samba sibailiu paguguletNia.”
Obecnie wybrane:
Zakh. 4: MWV
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@LAI 2015