Populære bibelvers fra Hebreo 12

Del

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos. Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Mentaras a disiplinaan kitam ay awan kitam masaya nan masakitan. Pero káttapos ni itod ay magkahod kitam ti kapayapaan a bunga nu matuwid a kákkabiyag.

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.

Isipán moy u tiniis hide ni Jesus a hirap a gábwat tu makasalanan hide a tolay, tánni awan kam manghina ti isip.

Kanya magpasalamat kitam tu Diyos, dipo makaguman nakitamon tu kahariyan na a awan mayanág. Sambaan tam u Diyos tu paraan a makasaya nikuna, a tehhod a paggalang sakay ánteng

Tiisán moy u atanan a hirap, bilang pángtuwid nu essa a ama, dipo iye u mángpatunay a ibilang kam nu Diyos a anak na hide. Ti deya a anak u awan disiplinaan nu ama na?

dipo ni magparusa u Diyos tam ay kumán a apoy a makatutod.

Tu alay nu sabadit a panahun ay disiplinaan kitam nu dáddakál tam hide ayun tu tukoy de a maganda. Pero u pagdisiplina nikitam nu Diyos ay palagi a tu ikapiyya tam tán magin banal kitam a konna nikuna.

Tu pághirap moy kontara tu kasalanan ay awan palla dimmemát tu punto a mabuno kam.