Populære bibelvers fra ल़ेह-पेन 1

Del

यिहॱनाङ नाम्‍पार-ताहक्‍पा थु ख्‍याया़ थो़ला फेप नाङ फान्‍ज्‍यो ख्‍यागी ओङ ज्‍योर्च्‍ये येह। ओ़ह तिङले ख्‍याया़ यरूशलेम क्‍याहसाला, थाम्‍ज्‍यी यहूदीयाला, सामरिया साने़या़ला, ओहले जाम्‍बुलीङ छ्यो़ ज़्‍यिगालाॱराङ ख्‍या ङाहगी पाङबु ओ़हङज्‍ये येह।”

ओहले येशूगी सुङ नाङसीन, “ओ़ह ङ्यिहमा दाङ ओ़ह ती़हजीदी किन्‍ज्‍योगी तोहङलेराङ राहङगी थुला ठुङ सिहन्‍दे येह। ओ़हगी तेहन्‍दाला ख्‍यागी ङोह स्‍य़े मेहकोहएँ च्‍यिबेमाना ओ़ह ख्‍यागी ल़ेह मिहम्‍बा।

येशू स्‍याहप्‍च्‍यीया़ ङ्याम्‍बु सोल छ्येच्‍येला ज़्‍य़ू नाङगेमु येशूगी खुङया़ला दि का नाङसीन, “ख्‍याया़ यरूशलेम क्‍याहसा क्‍युर ज़्‍या़दी का़हॱलाङ माहन्‍डो, ओहले किन्‍ज्‍यो याहपगी ज़्‍या़ नाङग्‍योकी ताहम्‍ज्‍याला कू़हदी तेहतोङ। दिगी तेहन्‍दाला ङाहगी ख्‍याया़ला तोहङलेराङ मा सिहन्‍दी येह। च्‍यिबेमाना यूहन्‍नागीनी छ्युगी बप्‍तिस्‍मा तेर्को येहकें, ता़हनी ङ्यिहमा तोबा तिङले ख्‍यागी नाम्‍पार-ताहक्‍पा थुगी बप्‍तिस्‍मा ज्‍योर्च्‍ये येह।”

ओहप-क्‍याल नोम्‍दी क्‍याहङस्‍यीङला टोहङ फान्‍ज्‍यो येशू ङ्यिहमा ज़्‍यिप-च्‍यु थु लेहमा माहङबुराङ खुङया़ ङ्याम्‍बु थु नाङदी राहङ सोम्‍बो येह म़ेदी दास्‍यी तेन नाङसीन। ओहले स्‍याहप्‍च्‍यीया़गी येशूला थोङसीन ओहले येशूगी खुङया़ ङ्याम्‍बु किन्‍ज्‍योगी क्‍याहल्‍सीगी तेहन्‍दाला स्‍याहल सुङ नाङसीन।

ओहजे सुङ सिहन फान्‍ज्‍यो स्‍याहप्‍च्‍यीया़गी ताताबा काहङला येशू नामला फुर्ती फेप नाङसीन। ओहले मुक्‍पागी येशूला का़सीन ओ़ह तिङले खुङया़गी येशूला माहथोङ।

स्‍याहप्‍च्‍यीया़गी येशू फेप्‍केराङ जेक्‍योदी नामला त़ेदी तेहक्‍यो येहकें, याहङमे-याहङलाराङ नाहम्‍सा कार्पु नोम्‍ग्‍यो क्‍येप-ख्‍योवा ङ्यी़ खुङ पोहला फोक थेन फेप्‍सीन। ओहले खुङया़गी मासीन “ए गालील साने़की मिहया़, ख्‍या च्‍यिबे लाहङदी नामला त़ेदी तेहकें? येशूलानी किन्‍ज्‍योगी स्‍यिहङगामला नोम फेप्‍सीन। ख्‍यागी येशूला काहन्‍डुमु पेहती फेप्‍केन थोङबा, ओ़ह ल़ेहमुराङ पेहती येशू ङ्यिहमा च्‍यी़ दि जाम्‍बुलीङला लो़ह फेप्‍च्‍ये येह।”