Populære bibelvers fra Apostolo 1

Del

Pali na tahuna a Hanu Kiripiripi i valai ne mua, bara mu bole a nitora ni vakalongo a velenga nau o Ierusalem, o Iudea, o Samaria, na tabeke lobo na malala.”

E Isu i koli, i ta maea, “E Tata i ru pali a parava ge bele a maki nga. Ia kikeri i tahoka a nitora ni ru a parava iea. I uka ma a maki mua mu gu lohoka vona.

Na parava tara, na tahuna i kani turane ria, i vakuku ria, i ta maea, “Naha ni pea e Ierusalem. Mu davea a Viri e Tata i ta muholi vona muga ge rudu lakene ne mua, ra a vakalongo mua vona pali. E Ioanes i vahilolo mua na naru, pali girira bara ni vahilolo mua na Hanu Kiripiripi.”

Muri ne Isu i mate, i luve ne ria, i vakasiri kavakava ria, ne ia i mahuri mule pali. Na parava i ravulu va, i bele balaka kupo ne ria, i tovo ria na harikianga na Vure.

Muri e Isu ni bole sike na hunu na matane ria. I sike lakea, i kavitagua a bubu, i uka ma ri matai tabua.

Na tahuna ri tababana ni mata rike, a bakovi ala rua ru rodo a varakia keakea, ru bele vakaturutu. Ru pesi turane ria, ru ta maea, “Mua o huriki a bakovi o Galili, i navai mu pesi mu mata rike na hunu? E Isu, ra ni bole tala ne mua, ni bole sike na hunu, bara i hamule valai i manga a hini mu masia i sike na hunu.”