Populære bibelvers fra LAMKALTU 1

Del

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

Jesuh nih cun a thawh hna i, “Ka Pa nih amah nawlngeihnak chungah a chiahmi caan le nithla kong cu nannih hngalh awk a herh lo.

Cun an sin i a um lioah khan hi nawlbia hi a pek hna i, “Jerusalem khua hi chuahtak hlah u, ka Pa nih a rak in kamhmi hna laksawng ka rak in chimhmi hna tu kha hngak ko u. Johan nih cun ti in tipilnak a pek hna, sihmanhsehlaw kan hmailei ni tlawmte chungah hin Thiang Thlarau in tipilpek nan si lai,” tiah a ti.

A thih hnuah ni sawm li chung an sinah voi tampi a lang i a nung ṭhan hrimhrim ti kha zumh lo awk zeihmanh um loin lam tam piin a langhter: annih nih amah cu an hmuh i anih nih Pathian Pennak kong kha a ruah hna.

Hi bia a chim dih in an hmuh hngan te ah cun vancung ah a kai; cun minmei nih a hun phenh i an hmu kho ti lo.

Annih nih a liam riahmah kha an cuanh ko lioah cun, puan rang aih in minung pahnih an pawngah cun chikkhatte ah khin an rung dir i, “Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.