Populære bibelvers fra रोमि 2

Del

खोन्‌ओसा ओवाको काचिचि कामुचि छ़ङ्‌त़छेन्‍तुचि, खोन्‍कि खाना मोवाको काचिचिङा त़मुचिनालो दि खाना म़ना, निनाम्‍हाङ्‌ओ अ़चुछ़ङ्‌छेन्‍मादाङ्‌का फुङ्‌ङानि त़मिन्‌याङ? माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

खोन्‌ओसा नि छ़ङ्‌काछेन म़ना, खाना साङ्‌नुछाङ, अ़ऩङ मुमा त़तोक्‍नान, देकिनालो खाना नि छ़ङ्‌त़छेन्‍तुहिदा दिदा खाना छ़ङ्‌त़छेन्‍तु, मो य़ङ्‌दा खाना छ़ङ्‌ऩछेन, देकिनालो खाना छ़ङ्‌काछेन्‌छाङ मो काचि त़मु।

देकिनालो निनाम्‍हाङ्‌आ लिप्‍पा खाङ्‌ऩमुसुन।

देकिनालो य़ङ्‌हुप काएन्‌चि निनाम्‍हाङ्‌ओ अ़चुबुदा साम्‌योक्‍मि ऩकान्‍निन, मेन य़ङ्‌हुप्‌वा काच़चि अ़चुओ लिप्‍पादा साम्‌योक्‍मि म़काइसुचि।

देकिनालो निनाम्‍हाङ्‌आ “झारा म़ना खोसाआ मुओ अ़काचिवा छ़ङ म़छेन्‍तुचि।”

मेन आप्‍पि खाङ्‌मान्‍चिन मिन्‍मा म़मुयाङ्‍ओचि, अ़छ़ङ य़ङ मान्‍काङ्‌कादा खोन्‍कि अ़अ़त्‍पादा काकोन्‍चिएदा अ़चुच़ऱपा खोन्‍कि अ़चुमाइसुङ छुक।

मेन खानानिन ऱक्‍भाक त़मुन्‌येन खोन्‍कि फान्‍मान्‍चिन त़छुन्‍तिन। खोन्‌ओसा निनाम्‍हाङ्‌आ अ़चुओ माइसुङ खाङ्‌अ़मुओ लेन्‌दा खोक्‍कोसाआ खानानिन अ़न्‍नुनु चाअ़त्‍लो दन्‍दा ऩप़न। मो लेन झारासाआ निनाम्‍हाङ्‌ओ अ़चुछ़ङ्‌छेन्‍मा नुलोक अ़खाङ।