Populære bibelvers fra रोमि 3

Del

झारासाआ हेवा म़मुवायुङ्‌सा, खोन्‍कि निनाम्‍हाङ्‌ओ अ़चुसाम्‌दा तामालामा मान्‍ऱम़युक। निनाम्‍हाङ्‌ओ अ़चुसोम्‍तुक्‍माओ आसिखाआ, ख्रिस्‍त येसुओ अ़चुलेन्‍मादाङ्‌का मोचि मोहा साम्‌योक्‍मि म़काइसायुङ्‌सा।

येसु ख्रिस्‍तदा झारा साकोङ्‌छ़ङ कामुचिएदा निनाम्‍हाङ्‌दाङ्‌काओ साम्‌योक्‍मि साकोङ्‌छ़ङ्‌लाम्‍पा ता। देकिनालो निनाम्‍हाङ्‌आ यहुदि खोन्‍कि निरावाचिओ अ़चुरादा लिप्‍पा ऩवाङ्‌निन

निनाम्‍हाङ्‌आ ख्रिस्‍तओ अ़चुह़लाम्‍पा हेवादाङ्‌का लेन्‍मा निम्‍पाङ खोक्‍कोसाआ हेन्‍खोक्‌वा लिसि ख्रिस्‍त म़पुवा। मो लेन्‍माय़ङ साकोङ्‌छ़ङ्‌लाम्‍पा लोक्‍मादोत। ओ काचि निनाम्‍हाङ्‌आ अ़चुसाम्‌योक्‍मि खाङ्‌मुमा निम्‍पाङ अ़मुवा ओ, देकिनालो खोक्‍कोसोओ नुलोक अ़चुहुङ्‌मादा बुया म़मुवाओ आन्‍हेवाचिदा खोक्‍कोसाआ दन्‍दा मान्‍प़म़दा। निनाम्‍हाङ आप्‍पि साम्‌योक्‍मि म़मुयाङ्‌ओ खाङ्‌मुमा खोन्‍कि येसुएदा साकोङ्‌छ़ङ कामुचि साम्‌योक्‍मि मुमा, निनाम्‍हाङ्‌आ अ़चुछा म़पुवा।

खोन्‌ओसा य़ङ्‌हुप्‌ओ काचिआ खाक्‍को म़नाछाङ खोक्‍कोसोओ अ़चुबुदा साम्‌योक्‍मि अ़कान्‍निन, देकिनालो य़ङ्‌हुप्‌आङा आन्‍कान देम हेवामि मुन्‌येन्‌ओ खाङ्‌म़मु।

साम्‍कालिन्‌दा ओवात्‍नि छाप्‌याङ, “साम्‌योक्‍मि साङ्‌छाङ मात्‍द़ङ, अ़क्‍छाछाङ मात्‍द़ङ। कातुप साङ्‌छाङ मात्‍द़ङ, निनाम्‍हाङ कालाम साङ्‌छाङ मात्‍द़ङ। झारासा निनाम्‍हाङ अ़छिरायुङ्‌सा, मोचि झारा अ़चुकाचि मात्‍द़ङ्‌ओ म़लिसायुङ्‌सा। साङ्‌छाङ नुलोक अ़च़निन, नुलोक काच़ अ़क्‍छाछाङ मात्‍द़ङ।”

खोन्‌ओसा य़ङ्‌हुप्‌आ लोमाय़ङ्‌वा मान्‍च़माङ साकोङ्‌छ़ङ्‌लाम्‍पाङा म़ना साम्‌योक्‍मि कान्‌नि आन्‍काओ मुलो अ़तुक्‌वा ओङा ओ।

मोवात्‍नि अ़लिनिन्‍ने! निनाम्‍हाङ अ़छ़ङ खोन्‍कि झारा म़ना सोज्‍जेओ कान्‍ने। “खानानिन आम्‍नुओ य़ङ्‌चिदा तोङ्‌लो काइसानिन्‍चिन, खोन्‍कि छ़ङ्‌ऩछेन्‍तिन्‌हिदा खानानिन त़छोसिन”नि साम्‍कालिन्‌दा छाप्‍तायुङ्‌सा।