Populære bibelvers fra रोमि 1

Del

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

देकिनालो नुय़ङ्‌खान्‌आ म़नाचि निनाम्‍हाङ्‌ओ अ़चुबुदा देत्‍नि साम्‌योक्‍मि कान्‌नि खाङ्‌मुसु। मो साम्‌योक्‍मि आन्‍कान्‌एदा साकोङ्‌छ़ङ्‌लाम्‍पा झारा ता। साम्‍कालिन्‌दा ओवात्‍नि छाप्‌याङ, “साम्‌योक्‍मि साकोङ्‌छ़ङ्‌लाम्‍पा ह़ङ।”

निनाम्‍हाङ्‌ओ अ़धुन्‌ओ अ़चुसावा खोन्‍कि अ़चुच़माथाङ्‌मा अ़खान्‍मिन। मेन खोक्‍कोसाआ निनाम्‍मा हेन्‍खामा मुन्‍मा पुङ्‌माय़ङ्‌दाङ्‌काङा खोक्‍कोसाआ अ़मुयाओ सामाचिलाम्‍पा निनाम्‍हाङ्‌आ खाङ्‌अ़मुसायुङ्‌सा। खोन्‌ओसा म़नाचिआ निनाम्‍हाङ ऩसिन्‍तुन्‌ओदा देम्‍खाछाङ ऩलेत्‍तुन्‍चिन।

देकिनालो मोचिआ निनाम्‍हाङ अ़सिन्‍ताकिछाङ निनाम्‍हाङ्‌ओ अ़चुऩङ मान्‍लोङ्‌अ़दा, ना मोचिआ आलाङ्‌ङा अ़पुवा, मेन मोचिओ अ़चुमिन्‍मा सोज्‍जेओ लिसा, खोन्‍कि मोचिओ खामान्‍सिन अ़चुसाकोङ्‌वा कुइयामा लिसा।

देकिनालो मोचिआ निनाम्‍हाङ्‌ओ अ़छ़ङ सोज्‍जेओएनान अ़फान्‍ता, खोन्‍कि कामुन्‍पा ब़क्‍मा अ़छिराकि नि मुन्‍माय़ङ सामाचि साया म़मेत्‍तुचि खोन्‍कि म़ब़रुचि। निनाम्‍हाङ ओन्‍ङा अ़धुन आलाङ प़मा खान्‍तुओ म़मुयाङ। मोवात्‍निङा लिने।

निनाम्‍हाङ्‌ओ अ़चुच़ऱपा झारा म़नाचिओ अ़चुहेवा खोन्‍कि अ़चुओ अ़अ़त्‍पाओ अ़देङ्‌सालाप्‍पादा निनाम्‍मादुङ्‌का खाङ्‌मुसायुङ्‌सा। मो अ़चुओ अ़अ़त्‍पा काचिआ अ़छ़ङ तिमुयुङ्‌सु।

ओवात्‍नि म़नाचिआ मो य़ङ्‌चि म़मुचिओसा, निनाम्‍हाङ्‌आ लेजो कात्‌ओ पोक मित्‍माचिदा मोचि म़छिरुदोचि। मोचिओ अ़चुरादा मेत्‍छामाचिआ दुवाछाएनान इम्‍मा अ़छिराकि मेत्‍छामाचिएनान इम्‍मा अ़पुङ्‌सा। खोन्‍कि मोवात्‍निङा दुवाछाचिआ मेत्‍छामाचिएनान इम्‍मा अ़छिराकि अ़क्‍छा निएदा पोक मित्‍माआ ह़त्‍तुङुचिओ ग़रि दुवाछा दुवाछाएनान लेजो काचिचि म़मुवा, खोन्‍कि मोचिओ अ़चुफिमा काचिओ दन्‍दा आप्‍पिओ अ़चुपोक्‌दा अ़तोक्‍ता। खोन्‍कि मोचिआ निनाम्‍हाङ लोक्‍मा अ़खान्‍तुन्‍लो अ़खाओसा निनाम्‍हाङ्‌आ मोचिओ अ़त्‍लो अ़चुमिन्‍मा खोन्‍कि खान्‌अ़त्‍लो च़माथाङ्‌मादा मोचि म़लेरुखाइसुचि।

मोचि “खारु तोक्‍ङाङा”नि म़य़ङानुछाङ, मोचि खामान्‍सिन म़लिसा। मोचिआ स़दाओ म़ना, छोङ्‌वाचि, चारकालाङ्‍ओ साक्‍स़ङ्‌चि खोन्‍कि कासात्‍नान्‍चिन्‍चिएनान अ़लुक्‍निन्‌ओ निनाम्‍हाङ्‌ओ अ़चुऩङ्‌लोङ्‌मा अ़फान्‍ता।