Populære bibelvers fra Buk wa To̱ni̱a̱u̱ 1

Del

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

Iizek zin enne nogo ne, “Iróng een zoz cunno̱ng kar a̱gga̱c i̱i̱nya̱ icima i̱i̱te̱n ci arike Baba komize cinne.

I̱i̱te̱n imma, ngati adaine enne ki nogo, u̱du̱wa̱k enne nogo zoz cu, “Ma ungneku Jerusalem lo̱o̱c; abarik e̱re̱yya̱ muci bali u̱du̱wa̱ Baba ke̱, iziktu bali niga ming kozozi anna ke̱. A̱gga̱me̱k Joni ol ba̱ti̱ti̱mo̱ maame, ma̱i̱je̱ i̱i̱nya̱we̱ cikidik a̱gga̱me̱kku̱ng atin Ta̱mu̱ta̱dde̱n ba̱ti̱ti̱mo̱ Vongize ci A̱li̱le̱.”

Imma bali vu̱rrta̱ ngati ippira enne ka̱da̱k ta̱la̱ke̱ca̱, i̱ye̱le̱k enne ele to̱ni̱a̱k ciginnek go̱o̱lo̱we̱ cik meelek giir kar zin nege kelemtta ming ngen enne aruge. I̱ye̱le̱k enne nogo ele cinne i̱i̱nya̱ moten we̱c kar kozoz zoz ci obod ki ba̱a̱li̱ne̱t ci Ta̱mu̱ta̱dde̱no̱.

Baling u̱du̱wa̱ enne zoz cu, odonge zin Ye̱su̱ ngati acine nege uk ta̱mu̱-kenga, kar zin di̱i̱z ku̱bu̱ng nonno ci iróng nege ngen acin bu̱k.

Imma ngati ngen nege angamnik ta̱mu̱-keng niko, edenya abarik ataman niko ol cik e̱e̱ggi̱n rama aim ru̱u̱ma̱ni̱ cik voorik per abile abanyce cinne̱ng. Azi nege ne, “Ol cik Ga̱li̱li̱, abillu ette ngatu angamniku ta̱mu̱-keng nya? Ye̱su̱ cu ele, ci odonge ngatinno̱ng uk ta̱mu̱-kenga ko̱, okko atin oboda go̱o̱le̱ ci acinnu niga nonno ming okko ta̱mu̱-kenga ko̱.”