Populære bibelvers fra RUM 14

Del

uban bé' lu' kivu Tuhan neu' ka'an kinan lu' ngan baa' nesep lu' bang neu' lu' maneu' kekat éh teneng ngan urip éh pawah ngan kemurung éh jin Sahéé' Ni'ai. Séé'-séé' éh jam mihau kekat inah iah pu'un kivu Kristus, iah éh payoo' tong jumen Allah ngan tong jumen kelunan péh.

kenat péh hun uleu' matai inah uleu' matai ngan Tuhan. Hun néh kenat hun uleu' murip péh ngan hun lu' matai péh, adang uleu' anah Tuhan.

Uban néh kenat jian uleu' ngelayau maneu' kekat éh mihin kelunan murip ngan pawah, éh omok ngereken kenin lu'.

Uban néh kenat mai lu' pesala' jah usah ngan jah usah kepéh, bang inah éh jian, mai maneu' ineu'-ineu' éh omok mihin padéé' keh dalem Tuhan petat ngan maneu' penyala'.

Uban pu'un jah ha' lem surat Allah éh bara' ka', Akeu' iteu' Allah éh murip, ha' Tuhan, Adang siget-siget kelunan ngejekuu' lep néh ngan ngerera' tong jumen Ké'. Siget-siget usah réh pu'un ngajung Akeu', ha' Néh. Kenat péh uleu' jam pesiget-siget usah uleu' adang uleu' pu'un bara' tong kekat penganeu' usah lu' tengéé' ngan Allah.

Jian keh alaa' kelunan éh kurang dalem pengelan néh ngan jian saa' belah keh. Bang mai keh pesakat ngan néh tong ineu'-ineu' éh seneruh réh.

Séé' ka'au' iteu' ke' ko' omok pesala' kelunan sohoo' irah éh jah? Pengeja'au nah ke' omok bara' ngan néh hun iah maneu' jian ngan hun néh maneu' sa'at péh. Adang iah omok maneu' jian uban Tuhan pu'un penyukat mihin iah keloo' maneu' jian.