Populære bibelvers fra RUM 13

Del

Bang jian keh alaa' Tuhan Yésus Kristus lajam keh mu'un. Ngan mai la'ah keh purip pengagat éh sa'at lem kenin keh pah avéé' keh kivu sohoo' néh.

Mai keh putang ineu'-ineu' jin kelunan, bang jian keh pika kekat kelunan. Uban séé'-séé' éh pika kelunan éh jah, pu'un iah kivu sohoo' lem Surat Musa.

Jian siget-siget usah kivu sohoo' kekat pengeja'au peritah, uban Allah ke' éh kejeraa' irah omok pengeja'au, kenat péh kekat irah éh kereja' lem kereja' peritah, uban Allah éh kejeraa' éh kenat, inah maneu' irah pu'un kenat.

La'ah hun iteu' merem iteu' juk rema. Hun néh kenat mai lu' maneu' kekat penganeu' éh merem kepéh. Jian uleu' alaa' kekat kelevit ngan lajam lu' hun rema inah pu'un, dokoo' lu' ngelawan kekat éh jin merem.

La'ah séé'-séé' éh murung padéé' néh, bé' éh maneu' sa'at ngan néh. Hun néh kenat hun lu' jam murung réh kenat, boh lu' kivu kekat sohoo' lem Surat Musa.

Hun keh bé' jak sakui bayan sukai, jian keh bayan éh ngan sukup, kenat péh siget koléé' hun sukup tong tatek keh bayan éh kurah, jian keh bayan éh kivu sohoo' réh siget koléé' kepéh. Jian keh ngerera' ngan murung kekat réh béé.