အရှင်ယေရှုဘုရား၏ ပုံဥပမာများနမူနာ

တည်ဆောက်ခြင်းနှစ်မျိုးပုံဥပမာ

ဤပုံဥပမာသည် ရှင်မဿဲခရစ်ဝင်ကျမ်းနှင့် ရှင်လုကာခရစ်ဝင်ကျမ်းတို့တွင် ပထမဆုံး ပုံဥပမာပင် ဖြစ်ပါသည်။ ကျွန်တော်တို့၏ အသက်တာတည်ဆောက်ပုံနှင့် မိမိအခြေခံအုတ်မြစ်ကို စစ်ဆေးရန် အရှင်ယေရှုဘုရား စိန်ခေါ်တော်မူပါသည်။

ကျွန်တော်တို့သည် ကျောက်ဆောင်ကြီးပေါ်မှာ လိမ္မာစွာ အိမ်ဆောက်နေပါသလား။ မိမိအသက်တာကို နိစ္စထာဝရ ကျောက်ဆောင်ကြီးအပေါ်၌ တည်ဆောက်နေပါသလား (သို့) စိတ်မကျသော အနိစ္စသဲပေါ်မှာ တည်ဆောက်နေပါသလား။

မိတ်ဆွေသည် နှုတ်ကပတ်တော်တရားကို ဖတ်ရှုလေ့ ရှိပါသလား။ တရားနာအလေ့ ရှိပါသလား။ ကိုယ်တော်က၊ ဘုရားသခင်၏ နှုတ်ကပတ်တရားတော်ကို နာ၍ ကျင့်စောင့်သောသူသည် မြတ်စွာသောမင်္ဂလာ ရှိသည်ဟု မိန့်တော်မူ၏ (လု၊ ၁၁း၂၈)။ မိတ်ဆွေသည် တစ်ယောက်ထည်း အိမ်ဆောက်နေပါသလား (သို့) အခြားဓမ္မမိတ်ဆွေများနှင့်အတူ လက်တွဲ၍ ဆောက်နေပါသလား။ မိမိအခြေခံအုတ်မြစ်ကို ပြုပြင်ဖွယ်ရာ လိုနေပါသလား။ အိုချစ်မိတ်ဆွေ၊ အနိစ္စသဲမှ ထွက်၍ နိစ္စထာဝရ ကျောက်ဆောင်ကြီးအပေါ်မှာသာ မိမိအသက်တာကို တည်ဆောက်ပါစေ။