အရှင်ယေရှုဘုရား၏ ပုံဥပမာများနမူနာ

မျိုးစေ့ကြဲသူပုံဥပမာ

ဤပုံဥပမာတွင်၊ ဘုရားသခင်၏ နှုတ်ကပတ်တော်တရားနှင့် ကျွန်တော်တို့၏ စိတ်နှလုံးအခြနေများကြောင်းကို ဖော်ပြထားပါသည်။

တရားနာသောအခါ ဘာမှမခံစားဘဲ နေတတ်ပါသလား။ မိမိနှလုံးကို ခိုင်မာသောသဘော ရှိနေပါသလား။ ယနေ့၊ မိတ်ဆွေသည် ဗျာဒိတ်တော်အသံကို ကြားလျက် ရှိသည်ဖြစ်၍၊ ခိုင်မာသော စိတ်နှလုံးမရှိကြနှင့်။ ကျောက်အပေါ်အရပ်၌ အစေ့ကို ကြဲခြင်းအကြောင်းအရာကား၊ တရားစကားကို ကြား၍ ဝမ်းမြောက်သောစိတ်နှင့် ချက်ချင်းခံယူသော်လည်း၊ စိတ်နှလုံး၌ အမြစ်မစွဲ၊ ခဏသာတည်သဖြင့်၊ တရားစကားကြောင့် အမှုအခင်းနှင့် ညှဉ်းဆဲခြင်းကို ခံရသောအခါ ချက်ချင်း ဖောက်ပြန်တတ်သည်ဟု အရှင်ယေရှုဘုရားဆိုလိုသတည်း။

ထို့နောက်၊ ဆူးပင်တို့တွင် အစေ့ကို ကြဲခြင်းအကြောင်းအရာကား တရားစကားကို ကြား၍ လောကီအမှု၌ စိုးရိမ်ခြင်းနှင့် စည်းစိမ်ဥစ္စာ၏ လှည့်စားခြင်းသည် တရားစကားကို လွှမ်းမိုးညှဉ်းဆဲတတ်သောကြောင့် အသီးမသီးနိုင်ဟု အရှင်ယေရှုဘုရား ဆိုလိုသတည်း။

အနောက်ဆုံးတွင်၊ အရှင်ယေရှုဘုရားက၊ ကောင်းသောမြေ၌ အစေ့ကို ကြဲခြင်းအကြောင်းအရာကား၊ တရားစကားကို ကြား၍ နှလုံးသွင်းသဖြင့်၊ အဆသုံးဆယ်၊ အဆခြောက်ဆယ်၊ အဆတစ်ရာပွားများ၍ အသီးသီးတတ်သည်ဟု ဆိုလိုသတည်း။

မိမိအသက်တာတွင် အသီးကို သီးနေပါသလား။ အဆသုံးဆယ်၊ အဆခြောက်ဆယ်၊ အဆတစ်ရာပွားများ၍ အသီးသီးလိုပါသလား။