အစီအစဉ်၏အချက်အလက်

နိုင်ငံတော်ခေါင်းဆောင်များ၏ မရှိမဖြစ် အရည်အချင်းများနမူနာ

4 ၏ နေ့ 1

သန့်ရှင်းခြင်း

သို့ဖြစ်၍၊ သင်တို့စိတ်နှလုံးကို ခါးပန်းစည်း၍ သမ္မာသတိရှိကြလော့။ ယေရှုခရစ် ပေါ်ထွန်းတော်မူသောအခါ၊ သင်တို့ဆီသို့ရောက်လတ္တံ့သော ဆုကျေးဇူးကို အဆုံးတိုင်အောင် မျှော်လင့်ကြလော့။ အထက်က သင်တို့သည် မှောင်မိုက်ထဲမှာ ကျင့်သော တပ်မက်ခြင်းတရားကို ယခုမလိုက်မကျင့်ဘဲ၊ နားထောင်တတ်သော သူငယ်ကဲ့သို့ ဖြစ်၍၊ သင်တို့ကိုခေါ်တော်မူသော သူသည် သန့်ရှင်းတော်မူသည်နည်းတူ၊ ကျင့်ကြံပြုမူသမျှတို့၌ သန့်ရှင်းခြင်း ရှိကြလော့။ အကြောင်းမူကား၊ ငါသည် သန့်ရှင်းတော်မူသောကြောင့်၊ သင်တို့သည်လည်း သန့်ရှင်းခြင်းရှိကြလော့ဟု ကျမ်းစာလာသတည်း။ (၁ပေ၊ ၁း၁၃-၁၆)

သန့်ရှင်းခြင်းသည် ဘုရားသခင်၏ ဂုဏ်အင်္ဂါတော်တစ်ပါး ဖြစ်ပါသည်။ သန့်ရှင်းခြင်းသည် ကိုယ်တော်၏လူမျိုးတော်နှင့် နိုင်ငံတော်ခေါင်းဆောင်များအဖြစ် သတ်မှတ်စေသည်။ သန့်ရှင်းခြင်းသည် သန့်ရှင်းသောဝိညာဉ်တော်ထံတော်က သက်ရောက်သည်ဖြစ်၍၊ ဘုရားသခင်သုံးစရာကောင်းသောတန်ဆာ ဖြစ်စေဖို့၊ ကျွန်တော်တို့ကို နေ့စဉ်ခွဲခြားသတ်မှတ်ပေးသည်။ ကျွန်တော်တို့သည် ကိုယ်တော်အဖို့အလိုငှာ အသက်ရှင်ကြောင်း လောကီသားကို သိစေဖို့ သခင်ဘုရား၏ နည်းလမ်း ဖြစ်သည်။ ခရစ်ယာန်များ၏ အပြုအမူသည် ဘုရားသခင်၏ ဂုဏ်အင်္ဂါတော်များကို အချိန်တိုင်း ထင်ရှားစေရမည်။

ငါသည် အဲဂုတ္တုလူတို့၌ပြုသောအကြောင်း၊ သင်တို့ကို ရွှေလင်းတအတောင်ဖြင့် ထမ်း၍ ကိုယ်ဖို့သိမ်းယူသောအကြောင်းကို သင်တို့သည် သိမြင်ရကြပြီ။ ထိုကြောင့် ယခုတွင် သင်တို့သည်် ငါ့စကားကို အမှန်နားထောင်၍ ငါ့ပဋိညာဉ်ကို စောင့်ရှောက်လျှင် အခြားသောလူမျိုးတကာတို့ထက် သင်တို့သည် ငါပိုင်ထိုက်သော ဘဏ္ဍာတော် ဖြစ်ရကြလိမ့်မည်။ မြေကြီးရှိသမျှသည် ငါ၏ဥစ္စာဖြစ်၏။ သင်တို့သည်လည်း မင်းစည်းစိမ်ရှိသော ယဇ်ပုရောဟိတ်မျိုး၊ သန့်ရှင်းသောလူမျိုး ဖြစ်ရကြလိမ့်မည်ဟူသော အမိန့်တော်ကို ဣသရေလအမျိုးသားတို့အား ဆင့်ဆိုလော့ဟု မိန့်တော်မူ၏။

မေးခွန်။ ကျွန်တော်၏ အသက်တာနှင့် ခေါင်းဆောင်မှုသည် ဘုရားသခင်၏ ဂုဏ်အင်္ဂါတော်များကို ထင်ရှားစေပါသလား။

ကျမ်းစာများ

၁ ရှင်ပေတရု 1

ထွက်မြောက်ရာ 19

နေ့ 2

ဤအစီအစဉ်အကြောင်း

လောကီခေါင်းဆောင်မှုသည် သြဇာလွှမ်းမိုးခြင်း၊ ဆန်းသစ်တီထွင်ခြင်း၊ မျှော်မှန်းချက်နှင့် ခံနိုင်ရည်ရှိခြင်းစသည် ခေါင်းဆောင်မှုအရည်အသွေးများကို ရှာဖွေသည်။ ၎င်းအရည်အချင်းများသည် ခေါင်းဆောင်မှု၏ အဓိကအစိတ်အပိုင်းများ ဖြစ်သည်။ ကျွန်တော်တို့သည် နိုင်ငံတော်ခေါင်းဆောင်များအနေနှင့် လောကီသား၏ မျှော်လင့်ချက်များကို ကျော်လွန်နိုင်သည့် စံတစ်ခု—မရှိမဖြစ်လိုအပ်သော အရည်အသွေးများ ရှိသင့်သည်။ ဤအစီစဉ်သည် နိုင်ငံတော်ခေါင်းဆောင်တိုင်း ပိုင်ဆိုင်သင့်သည့် အရည်အချင်းများစွာထဲမှ (၄) ပါးကို ဖော်ပြစေသည်။

ဤအစီအစဥ်အတွက် Ekklesia International ကို ကျေးဇူးတင်ရှိပါသည်။ ပိုမိုသိလိုပါက၊ http://EkklesiaInternational.org သို့ ဝင်ရောက်ကြည့်ရှုလိုက်ပါ။

ထုတ်ဝေသူအကြောင်း