Баптисм гэж юу вэ? Бэлтгэх эсвэл шийдэхэд зориулсан 3 өдрийн төлөвлөгөөЗагвар

Асар их баярын нулимс, бүжиг, сайхан хоол, бялуу бүхий хуриманд та оролцож байсан уу? Хурим бол амьдралаа хамтдаа өнгөрүүлэхээр шийдсэн хоёр хүний ​​амлалтын баяр юм. Хурим хийж байгаа учраас тэр аз жаргалтай хосууд бие биедээ дурлаагүй харин тэд бие биедээ хайртай учраас хурим хийдэг.

Баптисм ч бас үүнтэй адил үдэшлэг юм. Хэрэв та бүхий л амьдралаараа Есүсийг дагах шийдвэрийг гаргасан бол одоо тэмдэглэх цаг нь болжээ! 

Тэгэхээр, та юу мэдвэл зохих вэ?

Бид баптисм хүртэх үедээ Есүсийн бидний төлөө хийсэн зүйлийг өөрсдөдөө сануулдаг. Бид усанд булхах үедээ загалмай дээрх Есүсийн үхэл болоод бидний гэмийн төлөөх Түүний төлөөсийг өөрсдөдөө сануулдаг. Харин бид уснаас гарч ирэх үедээ гурав хоногийн дараа Есүс үхлээс амилсан болохыг өөрсдөдөө мөн сануулдаг! 2 Коринт 5:17-д хэрэв бид Христ дотор байвал шинэ бүтээл мөн гэж хэлдэг. Хуучин нь өнгөрч, шинэ болсон байна гэдгийг баптисм бидэнд сануулдаг!

Санагтун: баптисм хүртэх нь чухал хэдий ч энэ таныг авардаг учраас чухал биш юм шүү. Есүст итгэх итгэлээр дамжуулан Бурханы нигүүлсэл л биднийг авардаг. Өөрийнхөө дотор аль хэдийнээ ирсэн өөрчлөлтийг дэлхийд зарлахад баптисм хүртэхийн утга учир оршдог. 

Уриалга: Хэрэв та баптисм хүртэх дараагийн алхмыг хийхээр шийдсэн бол үүнийг тантай хамт тэмдэглэх найзууд болон гэр бүлийнхнээ уриарай!

Бурханыг олсон хүн амийг олдог. Life.Church-с гаргасан амьдралыг өөрчлөх чимээгүй цагийн судлалуудын талаар улам ихийг мэдэж аваарай.