Зургаан өдөр Бурханы нэрсээрЗагвар

4 ДЭХ ӨДӨР: ЭШ ОКЛА – ЗАЛГИГЧ ГАЛ

Та ой хээрийн түймэрт өртөж сүйрсэн газрыг харж байсан уу? Энэ нь зам гүүр, тэр ч байтугай гол мөрөн гээд замдаа тааралдсан бүхнийг залгидаг. Одоо орчлон ертөнцөөс ч том гал шатаж байна гээд төсөөлөөд үз дээ, тэгвэл та Бурханы сүр хүчийг бага зэрэг ойлгож эхлэх болно.

Бид Бурханы агуу хүчийг хүндэтгэх ёстой хэдий ч Тэр бол бидний төлөө маш их санаа тавьдаг, бидэнтэй гайхамшигтай хувьчилан харьцдаг Бурхан гэдгийг үргэлж санах хэрэгтэй. Тийм ч учраас Тэр бол бүхий л үед бидний магтаал болон хүндлэлийг авах цор ганц зохистой Нэгэн юм. Бид Түүнийг хөнгөн хуумгай хүлээж авах ёсгүй хэдий ч бид Түүнд хандан уйлж, Түүнтэй харилцаа тогтоохоос ч айх ёсгүй.

Тэр бидний амьдралын жижиг хэсэг нэг бүрд маань анхаарлаа хандуулдаг гэдгийг бид мэднэ. Үүнээс харахад Тэр ямар агуу том цар хүрээг хамардгийг төсөөлөхөд ч бэрх. Яаж ийм агуу хүчит Нэгэн өчүүхэн бидний амьдралын жижиг хэсэг нэг бүрд маань анхаарал хандуулж, халамжилдаг юм бол? Тэр бидэнд маш их санаа тавьдаг учраас аж. Тийм ч учраас бид Түүний залгигч галыг өөрсдийнхөө зүрх сэтгэлд хүчтэй асаахыг зөвшөөрөх хэрэгтэй.

Тэр бол Эш Окла, залгигч гал хэдий ч нигүүлсэл, тэвчээр, энэрэл хайраар дүүрэн гал. Тэр биднийг Бурхан Эзэнээ бүх зүрх, бүх сэтгэл, бүх оюун ухаанаараа нэгдүгээрт байлгах зорилготойгоор Өөртөө татдаг. Мөн галын ид дунд Тэр бидний зүрх сэтгэлд хайрыг хөгжүүлдэг.