1Бурханы Хүү#1:1 ЗБ-т Бурханы Хүү гэж байхгүй. Есүс Христийн сайнмэдээний эхлэл.

2Эш үзүүлэгч Исаиагийн номд

«“Харагтун, Би түрүүнд чинь зарлага элчээ илгээнэ.

Тэрээр замыг чинь бэлтгэнэ” гэсэнчлэн#Мал 3:1

3Цөлд хашхирагч нэгний дуу нь

“Эзэний замыг бэлтгэцгээ,

Жимийг нь шулуун болгогтун” гэнэ»#Иса 40:3 (LXX)

гэж бичигджээ. 4Баптисч Иохан цөлд гарч ирэн, баптисм хүртээж, нүгэл уучлагдах гэмшлийн баптисмыг тунхаглаж#1:4 ЗБ-т баптисм хүртээж, тунхаглав эсвэл цөлд гарч ирэн тунхаглав байлаа. 5Бүх Иудей нутгийнхан, Иерусалимынхан бүгд түүн дээр очоод, нүглээ улайн, Иордан голд түүгээр баптисм хүртэж байв. 6Иохан тэмээний хялгасан хувцастай агаад бүсэлхийдээ суран бүстэй аж. Тэрээр царцаа, зэрлэг зөгийн бал иддэг байв.#2Ха 1:8 7Тэр тунхаглахдаа

—Харин Надаас илүү хүчирхэг Нэгэн миний араас ирж байна. Би бөхийж Түүний шаахайн үдээсийг ч тайлах үнэ хүндгүй. 8Би та нарт усаар баптисм хүртээсэн, харин Тэр та нарт Ариун Сүнсээр баптисм хүртээнэ гэв.

Есүс баптисм хүртэв

(Мт 3:13—4:11; Лк 3:21–22)

9Тэр өдрүүдэд Галилын Назар хотоос Есүс ирж, Иордан голд Иоханаас баптисм хүртжээ. 10Уснаас гарч ирсэн даруйд нь тэнгэр заагдан, Сүнс тагтаа мэт Өөр дээр нь буухыг Тэр үзэв. 11Тэнгэрээс дуун гарч

—Хайрт Хүү минь Чи билээ. Таалал минь Чамд оршдог#Эх 22:2; Дуу 2:7; Иса 42:1; Мт 3:17, 12:18; Мк 9:7; Лк 3:22 гэв.

Есүс соригдсон нь

(Лк 4:1–13)

12Тэр даруй Сүнс Есүсийг цөл уруу гаргав. 13Есүс Сатанд сориулан цөлд дөч хоног байв. Тэнд Тэр зэрлэг амьтдын дунд байсан бөгөөд тэнгэрэлч нар Түүнд үйлчилж байлаа.

Галилд үйлчлэлээ эхлэв

14Иоханыг баривчлагдсаны дараа Есүс Галилд ирж, Бурханы сайнмэдээг тунхаглан

— 15Тэр цаг биелэлээ оллоо. Бурханы хаанчлал айсуй. Гэмшиж, сайнмэдээнд итгэгтүн гэж байлаа.#Мт 3:2

Есүсийн анхны шавь нар

(Мт 4:12–22; Лк 4:14–15; 5:1–11)

16Есүс Галил нуурын эргээр явж байхдаа, нуурт тор шидэж буй Симон, түүний дүү Андрей нарыг харав. Тэд загасчид аж. 17Есүс тэдэнд

—Намайг дага. Би та нарыг хүмүүсийн загасчид болгоно гэлээ. 18Тэд тэр даруй тороо орхиж, Түүнийг дагалаа. 19Тэр жаахан цааш яваад Зебедеен хүү Иаков, түүний дүү Иохан нарыг завин дотроо тороо сэлбэж буйг харав. 20Тэр даруй Есүс тэднийг дуудсанд тэд эцэг Зебедеегээ хөлсний ажилчдын хамт завинд орхиод, Түүнийг дагалаа.

The Way Of The Cross From The Gospel Of MarkЗагвар

Бичээс

Энэ төлөвлөгөөний тухай

Холбоотой төлөвлөгөө унших

Ажил үйлсийнхээ төлөө залбирах 7 залбирал