Жинхэнэ хайр гэж юу вэ?Загвар

Бид жинхэнэ хайр дотор хэрхэн алхах вэ?



Хайр хаанаас гардаг вэ? Бид хэрхэн өөрсдийгөө гэм, амиа хичээхээс ангижруулж, жинхэнэ хайр дотор алхах вэ?



Үүнийг бид Түүнгүйгээр бас Түүний тусламжгүйгээр хийж чадахгүй. Гол цэгээс хазайх эсвэл алдагдах нь маш амархан байдаг. Христийн хайр ба сайн мэдээ л бидний ганц найдвар. Нүглийг, Сатаныг бас үхлийг ялан дийлэхийн тулд Есүс энэ дэлхийд ирж, энэ дэлхий дээр амьдарч, үхээд, оршуулагдан улмаар дахин амилсан. Биднийг хайрласан Бурханы Хүү бидний төлөө Өөрийгөө мөн золиосолсон юм. Биднийг хайрласан учраас Тэрээр бидэнд явах замыг тавьж өгсөн. "Эзэн Есүс, би энэ хайр дотор алхахыг хүсэж байна. Бүх л итгэл, найдвараа Тан дээр тавихад надад туслаач."



Болж буй тулаанд бодол санаагаа төвлөрүүлэхэд эртний гэгээнтнүүдийн магтаалыг унших нь туслах боломжтой. Тэдний зүрх сэтгэл хэрхэн Бурханыг дээдэлж, Түүнийг магтаж, ариун амьдралаар амьдарч буйг, мөн тэд Түүнийг бүх л зүрх, сэтгэл, оюун ухаан, хүч чадлаараа хайрлаж байгааг бид сонсдог. Исаак Уоттсын "Хүсэл тэмүүллийг минь сэрээгээч, хайрыг минь сэрээгээч" хэмээх магтан дууны бадгийг авч үзье. Таны зүрх Эзэнийг ийнхүү хайрлахыг хүсэж байна уу?



Хүсэл тэмүүллийг минь сэрээгээч, хайрыг минь сэрээгээч,

Аврагч Эзэндээ үйлчлэхийг хүсэж байна,

Төгс гэгээнтнүүдийн ажилладгаас ч дээгүүр

Мөн ариун тэнгэр элч нар ч хүрч үл чадам байдлаар.



Сүнсийг минь сэрээгээч

Өлсгөлөн сүнсийг хооллож, ядуусыг хувцаслуулахаар

Тэнгэрийн улсад үүгээр дутагдах нэгэн үгүй

Тэдний зүрх сэтгэл мөнхөд дүүргэгдсэн.



Сүнс минь ээ, хүслийг минь захираач!

Бурхан ажлаа үргэлжлүүлж байгаа учраас тулалдсаар л бай,

Булгилах гэм нүглийг минь хянаач,

Ялалт нь үргэлж шинэ байгаач.

 

Ялалтын талбар өндөрт сүндэрлэнэ,

Сөргөлдөх дайсны хүч гэж тэнд үгүй,

Эзэн, үхэн үхтлээ би ялахыг хүсэж байна,

Тийнхүү ялалтаар сүр хүчит тулааныг дуусгахыг хүсэж байна.

 

Урсан өнгөрч буй цаг мөч бүхэнд гэмшихийг би хүсэж байна

Улмаар сайн мэдээг би шинээр яруу алдартайгаар хүлээн авдаг,

Амьдрал болон хийсэн ажил минь төгсгөлдөө ирэх үед,

Амласан титмийг би олж авах болтугай!



Үнэнийг зүрх сэтгэлдээ оруулах: Оюун бодлоо шинэчлэх бас зүрх сэтгэлийг тань өөрчлөх хүчтэй, зүрх сэтгэлдээ оруулах хэрэгтэй тийм эшлэлийг сонго.



Махан биеийнхээ хувьд үхэх: Таны бичсэн эшлэлийн дагуу таны амьдрал дахь яг ямар гэм илчлэгдсэн бэ? Хуучин хүнээ тайлах талаар Паул бидэнд маш тодорхой хэлсэн.



Үнэнийг амьдралдаа хэрэгжүүлэх: Шинэ хүнээ өмс--Христ. Түүнд захирагдах болон Түүний үнэнийг бодол санаа ба зүрх сэтгэлдээ оруулахын тулд яг тодорхой ямар өөрчлөлтүүдийг та бодол санаа, хандлага эсвэл зан араншиндаа хийх хэрэгтэй байна вэ?