Хамтдаа байвал хамаагүй дээрЗагвар

Өгөөмөр байдал ба нийгмийн хоорондох холбоос

Бид бие биедээ өгөөмөр байх үед бид бие биедээ улам дотно болдог бөгөөд энэ нь амьдарч буй нийгмийг маань бүрдүүлдэг.

Нэг удаа сүмийн маань нэг хүн надад ийм захиа бичсэн: "Хөрш маань шатыг чинь түр хэрэглэж болох уу гэж надаас асуув. Би ч мэдээж тэг тэг л гэлээ. Хожим нь тэр хүн өөрөө шаттай болохыг нь би олж мэдэв. Түүнд миний шатыг зээлж хэрэглэх шаардлага байхгүй байв. Тэрээр харилцааг үүсгэхийн тулд л үүнийг ашигласан байв. Тэр надаас ямар нэг зүйл авч хэрэглэхэд би түүнд хэрэгтэй юм байна гэсэн мэдрэмж надад төрдөг бөгөөд тэр мэдрэмж надад сайхан санагддаг. Одоо би үүний адил зүйлийг хөрштэйгээ хэрхэн хийхийг суралцсан. Өөр нэг хөрш маань барилгын тоос сорогчтой бөгөөд түүнийг нь хүүтэйгээ хамт машинаа цэвэрлэхээр би тав дахь өдөр бүр түр зээлдэг. Сүүлдээ Рожер тоос сорогчоо намайг хэрэглэхэд зориулан гадаанаа үлдээдэг болсон. Саяхан би Рожерт өөрийн гэсэн тоос сорогч авах боломжтой болсон хэдий ч түүнээс зээлдэн авахад хэрхэн харилцдаг харилцаа надад үнэхээр таалагддаг гэдгийг хэлсэн. Рожер ч бас надаас бүү шинээр худалдан аваарай гэж гуйсан. Өгөөмөр байдал болон нийтийн хоорондох холбоосыг хэрхэн олж харахыг тэр аль хэдийнээ суралцсан байв."

Матай 6:21-дээр, "Эд баялаг чинь хаана байна, зүрх сэтгэл чинь бас тэнд байх болно." гэж хэлсэн байдаг. Өөрөөр хэлбэл та цаг заваа, эд баялагаа, хүч хөдөлмөрөө зарцуулдаг тэр зүйл тань таныг өөртөө татах болно. Тиймээс би хэзээд танд, ядуу хүнд эсвэл хэн нэгэнд өгөөмөр хандах үед зүрх сэтгэл маань тийшээгээ л зүтгэх болно. Бурханд би өгөх тохиолдол бүрт, энэ нь зүрх сэтгэлийг маань Бурханд ойртуулдаг. Би танд өгөх тохиолдол бүрт энэ нь миний зүрх сэтгэлийг тан руу хандуулж байдаг.

Эхний үеийн Христитгэлтнүүд өгөөмөр байдлаараа алдартай хүмүүс байжээ. Үйлс 4:32-дээр, "Итгэсэн олон, нэг зүрх, сэтгэлтэй байсан … тэдний бүх юм нийтийнх байв." гэж хэлсэн байдаг. Тэд нэг гэр бүл байв. Бусадтай хуваалцах нь сайн дурын зүйл байв. Энэ нь коммунизм байгаагүй юм. "Чинийх бол минийх, тиймээс би түүнийг чинь булаан авах болно." гэж коммунизм хэлдэг. Христитгэл, "минийх бол та нарынх, тиймээс та нар надтай хуваалцаж болно." гэж хэлдэг.

Эцэг эх болохынхоо хувьд, хүүхдүүд чинь бие биетэйгээ байгаагаа хуваалцахыг нь харах дуртай юу? Мэдээж та дуртай байж л таарна. Амьдралд дахь хамгийн гол суралцах зүйлүүдийн нэг бол бусадтай хуваалцаж сурах юм. Хүүхдүүдээ хувиа хичээсэн биш байгааг нь хараад та үнэхээр баярладаг.

Бурхан ч бас тийм байдаг! Бид бие биедээ өгөөмөр хандах үед Тэрээр биднийг хараад ингэж хэлдэг, "Тэр миний хүү! Тэр миний охин! Тэд Миний хүсдэг зүйлийг хийж байна." Учир нь Бурхан бол өгөөмөр бөгөөд Тэрээр биднийг Өөртэй нь адилхан болохыг хүсдэг. Өгөөмөр байдал нь нийгмийг үүсгэдэг.

Пастор Рикийн өнөөдрийн аудио сургаалийг тоглуул >>